ACEH_03378

JUZ 8 AL-A'RAF (7;
Jimeung boh ija bandua gopnyan
Meunalee gopnyan jimeung peuleumah
Baro-barokon geutop meunalee
Jinoe meuteuntee abeh dum teuhah
Kheun iblih Neutham gata le Tuhan
Ubak kayee nyan bek ta meulangkah
Padahai boh jih meunyo tarasa
Meuhat jeut gata ureueng meutuah
Bandua teuh jeut keu malaikat
Keukai lam teumpat churuga indah
21. Iblih meusumpah lon lonpeuingat
Lon bri nasehat gata bek salah
22. Bandua gopnyan keumah jipadan
Bit tipee chetan carong that leupah
'Oh ban geurasa pajoh boh kayee
Leumah meunalee bandum ka teuhah
Geuplueng bandua jak cok on kayee
Ngon top meunalee mangat bek leumah
Neuhoi treuk gopnyan teuma le Tuhan
Neukheun bak gopnyan kon ka Kupeugah
Ka lheuh Ku peugah bak dua gata
Bek sagai gata keunan talangkah
Bek tajak keunan ubak kayee nyan
Gata le chetan jimeung beureukah
Gata bandua musoh ngon chetan
Sabe jipadan gata beu salah
23. Kheun dua gopnyan hai Tuhan kamoe
Lalem that kamoe meupubuet salah
Meuelanya droe bandua kamoe
Neuampon kamoe wahe ya Allah
Meu han Neuampon Neugaseh kamoe
Rugoe that kamoe meunyesai teulah
24. Kheun Tuhan jak tron leh bandum gata
Hana le torn reuda tameuparikah
Sabe gata dum meumusoh-musoh
Sinan tapiyoh bak bumoe Allah
225