Agirre Asteasukoaren "Eracusaldiac", sermoia ... - Euskaltzaindia

AGURRA
Bada euskal klasikoen artean, eta aipamenez aipamen, XIX. mendea betetzen
duena, prosa erlijiosoaren alorrean eta Gipuzkoako herrialdean. Agirre
Asteasukoa da hura. Bereak ditugu, besteak beste, Eracusaldiac, lan luzeak (hiru
liburuki) zein laburrak (Confesioco eta Comunioco Sacramentuen gainecoac).
Nago, ospe eta sona handikoa izanik ere, ez ote duen Agirreren prosak
besterik eska tzen, azterketa eta ikerketaren aldetik. Horixe da, izan ere, Humanitate
eta Hezkuntza Zientzien Fakultateko irakasle den Aran tza Ozaetak
eskain tzen diguna argitalpen honetan. Hain zuzen ere, gipuzkoar idazlearen
prosa hura, ikusmolde sozio-diskur tsiboaren argitan arakatua eta xehetua.
Agirre Asteasukoaren Erakusaldiac da, beraz, Euskal tzaindiaren IKER bildumara
datorren ekarpen berriaren muina eta arda tza, Ozaeta anderearen
doktorego-tesiaren bidez. Bistan da, bestalde, testua, argigarria ez ezik, gogoetarako
aproposa ere izan daitekeena, gure klasikoen sua beste behin ere bizten
duelako jendaurrean, ikusmolde ezohikoez eta uniber tsitate mailako jakituriaz
hornitua.
Jakin-min berriak behar ditugu euskarazko testu klasikoak mia tzerakoan.
Inor gu txik jarriko du hori zalan tzan. Metodologia berriak ere bai, beste horrenbeste.
Horixe egin du egileak liburu honetan eta Agirre Asteasukoaren
irakurketa osteran tzekoa proposatu digu, pragmatikaren eta diskur tsoaren
teoria artean direla.
Horrexegatik bada, a tseginez eta ohore handiz hartu dugu IKER bilduman
lan hau, etorkizunean ere bide beretik etor daitezkeen adierazgarri.
Gaztea da liburuaren egilea. Heldutasun handikoa, alabaina, egin tza eta
irakaskun tzan. Halakoxea da, modu berean, Mondragon Uniber tsitatea,
indar tsu agertu dena Euskal Autonomia Erkidegoaren uniber tsitate esparruan.
IX