Agirre Asteasukoaren "Eracusaldiac", sermoia ... - Euskaltzaindia

2.2. LAN-METODOLOGIA
48
ARANTZA OZAETA
Aurreko puntuan ikusi bezala, testuek konposizio eta egitura konplexua
dute. Van Dijk autoreari jarraiki, hiru osaera-maila bereiz dakizkioke testuari:
mikro-egitura, makro-egitura eta super-egitura. Testu batek horietako bi izan
behar ditu testu izateko, eta horietako bat, makro-egitura, ezinbestekoa da.
Bestalde, Longracre autoreari jarraikiz, paragrafoen egitura tzea ere postula
daiteke, testuaren planteamenduaren tresna den bezainbatean. Nola moldatzen
dira paragrafoak? Ideien harilka tzearekin lotuta dago paragrafoa, ideien
arteko loturarekin eta progresioarekin. Garapen moduak askotarikoak izan
daitezke: lineala, tematikoa, logikoa, psikologikoa...
Orain arte ikusitakoaren arabera, testuaren analisiari hel tzeko azter-objektuak
honakoak izango lirateke:
– mikro-egitura
– makro-egitura
– super-egitura
– paragrafoa.
Halaz guztiz, nozio horiek ez dute munta bera gure azterketan eta arreta
bereziki makro-egiturei eta super-egiturei eskainiko zaie. Paragrafoen
inportan tzia osagarria izango da.
Gogora bedi makro-egitura nozioa errekur tsibotasunarekin loturik dagoela,
ho ts, bere antolamenduak maila bakarreko eta berekoak baino goragoak
ere errepresenta di tzakeela. Zen tzu horretan, makro-egitura behin eta berriro
erabil daiteke eta malgutasuna ematen du.
Esate baterako, eta diogunaren haritik, corpuseko sermoiak hiru liburukitan
banatuta daude; halaz ere, nozio honek hiru liburuki horietako sermoitestu
guztiak erlazio hierarkia beraren azpian sar tzeko aukera ematen digu,
hau da, M(akroegitura) berberaren azpian (ikus beherago taula 51. or.).
Nolanahi ere, egileak/sermoilariak hiru liburukietako sermoi-testuei
izenda tze desberdina ematen die, berehala aurkeztuko ditugun hiru izendatzeak:
1) Eracusaldiac, 2) Platicac edo I tzaldiac, eta 3) Bedera tziurrena. Ikusi
egin beharko da, izenak izen, ea makro-egitura eta super-egitura desberdinak
dituzten hirurek ere, eta, desberdintasunik balego, zein mailatakoa den berori
(makro, mikro ala super).
Gatozen, honenbestez, hipotesiak formula tzera.