KARDABERAZ BILDUMA - 19 - Euskerazaintza

f
Lekuona'tar Imanol apaiz jauna
ta euzkal-elertia
UMANDI
Euzkaleŕi'an barna, euzkaldun guzien omenaldia irabazi duen iñor
baldin bada, orixe, zalantzik gabe, Lekuona'taŕ Imanol apaiz jauna;
ongienik eta gañezka ere irabazita. Omenaldi ortarako, ona emen nire
aletxo tipia, besteen artean tipiena noski, baña bai biotz-barnetik eskeiñita.
Luze, zabal eta sakona, Lekuona apaiz jaunaren lana, Euzkaleŕi ta
euzkerari gogoz eta maitasunez opaetsita; Yainkoa'ren uŕengo oietxek
izan baitira bere maitasun aundienak, bai ta kardaba ta ardura aundienak
eman dizkiotenak ere.
Oso apaiz gazte izan zanetik asi zan Gasteiz'ko Apezgaitegian euzkeraren
irakasle bezela, ta ordudanik ona lan eta lan beti, egunero, aztertzen,
irakasten, mintzatzen eta idazten; batzuetan euzkeraz, besteetan
erderaz, baña orotan euzkerari ta gure Eŕi'ari dagozkien gayetaz.
Epe luze ortan gurean ageri diran euzkal-gaietazko aldizkari geyenetan,
guzietan ezpada, bere izena agerm da, eten gabe, bere lanaz, besteenen
ondoan, ororen xedeetako bere laguntza guzia sutsuki ematen.
Itzaldiak ugari urteen bidean, erlijio, euzkera ta ertiari buruz geyenak
emanda. Eta oŕ dagoz berak idatzitako idaztiak, gai berak beti erabiltzen.
Euskaltzaindi'ak Axular'en "Gero" beŕiz argitaratzeko erabakia artu
zuenean, Lekuona jaunari eman zion argitaratze ura zuzentzeko lana.
Ba-dauzka antzerki batzuk ondore onenaz antzezturik izan diranak. Eta
euzkal-liturji beŕia atontzeko, euzkal-eliz-baŕutietako ordezkarien bidez
batzorde berezia antolam zanean, Lekuona jauna izan zan batzorde oŕen
buru izendama.
Gai bakoitzeko lana, egokienetakoa beti, ta besteentzako ikaskizun
edeŕa; ta bakoitza be buruaz eta sakon erabilta. Ta bere lan guzien
ondorioaz, euzkaltzaña zalarik, Euskaltzaindi'ak bere lendakaritzat autam
zuen 1967'gaŕenean.
Eziña zait niri, Lekuona apaiz jaunari, bere lan guzietan barna ja-