HENAC

HENAC
Komunikazio-gaitasunak Komunikazio-gaitasun orokorrak Gaitasun estrategikoak
. Mezua testuinguruaren arabera interpretatzea.
Bestalde, ulermenak honako trebetasun hauek eskatzen ditu:
. Hautemateari dagozkion trebetasunak.
. Oroimena.
. Deskodetzeko trebetasunak.
. Dedukzioa.
. Aurrez ikustea.
. Irudimena.
. Irakurketa lasterra (edo irakurketa diagonala).
. Aurrekoaren eta ondorengoaren erreferentzia gurutzatuak.
- Elkarreragina
Ahozko elkarreraginak bere baitan hartzen dituen prozesuak honela
bereizten dira, ahozko adierazpen- eta ulermen-jardueren hurrenkerari
erreparatzen bazaio:
. Adierazpen- eta ulermen-prozesuak kateatu egiten dira. Norbait bere
solaskidearen enuntziatua prozesatzen ari den bitartean (enuntziatua
artean osagabea dela), bere erantzuna planifikatzen hasten da,
enuntziatuaren izaeraren, haren esanahiaren eta haren interpretazioaren
gaineko hipotesian oinarrituta.
. Diskurtsoa metatu egiten da. Elkarreragina gertatzen den bitartean,
partaideek egoera baten irakurketa jakin bat egiten dute, gauzak aurrez
ikusten dituzte, eta alderdiei garrantzitsuei erreparatzen diete. Eta
sortzen diren enuntziatuetan prozesu horiek islatu egiten dira.
Idatzizko elkarreraginean (gutunak, faxak, posta elektronikoak eta abar),
ulermen-prozesuak eta adierazpen-prozesuak gehienetan ez dira aldi berean
gertatzen. Nolanahi ere, mezu elektronikoak edo SMS mezuak, adibidez,
gero eta gehiago ari dira hurbiltzen denbora errealeko elkarreraginera. Eta
idatzizko komunikazio hori aldi berean gertatzen denean, idatzizko
73