HENAC

HENAC
Komunikazio-gaitasunak Komunikazio-gaitasun orokorrak Gaitasun estrategikoak
- Erlijio-ospakizunak eta jarduerak.
- Jaiotza, ezkontza eta heriotza.
- Jendearen eta ikusleen jarrera agerraldietan eta jendaurreko
ospakizunetan.
- Ospakizunak, festak, tabernak, sagardotegiak, dantzak, diskotekak, eta
abar.
4.1.2. GAITASUN ESTRATEGIKOAK
Gaitasun estrategikoa da hizkuntzaren erabiltzaileak duen gaitasuna,
komunikazio eraginkorra lortzeko, izan ditzakeen hutsuneak betetzeko, edo
egon daitezkeen komunikazio-etenak konpontzeko. Beraz, estrategiak dira
atazak gauzatzeko edo ikasketa prozesuan egoera berriei aurre egiteko
erabiltzen diren eragiketa mentalak, mekanismoak, taktikak eta prozedurak
(hitzezkoak eta hitzik gabekoak). Eta mekanismo horien garapenak
komunikazioa errazten du: diskurtsoa kontrolatzea, azalpenak eskatzea,
ondorioak ateratzea, barneko esperientzia eta ezagutza berreskuratzea,
errepikatzea, zuzentzea, eta abar. Mekanismo horien garapenak ikaskuntzaprozesua
eraginkorragoa bihurtzen du, hizkuntza-baliabideetan egon
daitezkeen gabeziak berdinduz. Era berean, bakoitzak bere ikaskuntzaprozesuaz
ohartzeko eta ardura hartzeko bidea irekitzen du.
Estrategien helburua da testuinguruko komunikazio-beharrei erantzutea, eta
dagokion ataza ahalik eta era osoenean arrakastaz gauzatzea. Beraz, estrategia
ez da izan behar ezintasunaren adierazpen soila, edo gabeziak eta
komunikazio kaskarra orekatzeko bidea, besterik gabe. Lehendabiziko
hizkuntzan jardutean ere hiztunek era guztietako komunikazio-estrategiak
erabiltzen dituzte, etengabe, unean uneko komunikazioa hobetzeko.
Komunikazio-estrategiak erabiltzea printzipio metakognitiboen baitan dago,
eta horien bidez hizkuntza-jardueren komunikazio-prozesuak errazten dira
(planifikazioa, gauzatzea, eta jarraipena eta kontrola).
Hizkuntza batez jabetzeko prozesuan, estrategia garrantzitsuenak honako hauek
dira: komunikazio-prozesuak, estrategia komunikatiboak eta ikaskuntzaprozesuko
estrategiak.
70