HENAC

HENAC
Komunikazio-gaitasunak Komunikazio-gaitasun orokorrak
4.1. KOMUNIKAZIO-GAITASUN
OROKORRAK
Erabiltzaile eta ikasleek, komunikazio-egoeretan atazak eta jarduerak burutu
behar dituztenean, euren aurreko esperientzietan garatutako hainbat gaitasun
baliatzen dituzte (munduaren ezagutza, trebetasunak, ezaugarri pertsonalak...).
Era berean, komunikazio-egoera horietan parte hartzeak (hizkuntzen
ikaskuntza sustatzeko bereziki diseinatutakoetan, noski) ikaslearen gaitasunen
garapena areagotzea dakar.
Lehen aipatutako gaitasun guztiak abian jartzen dira komunikatzeko unean;
beraz, esaten ahal dugu guztiak direla gaitasun komunikatiboaren osagarriak.
Dena dela, beharrezkoa da gaitasun orokorrak (hizkuntzarekin lotura
txikiagoa dutenak) eta hizkuntza-gaitasunak bereiztea. Egia da azken horiek
izan ohi direla gure irakaskuntzaren oinarri, baina aldi berean ez da ahaztu
behar gaitasun orokorrak ere presente daudela ikaskuntzako prozesuko une
guztietan.
Gizakiaren gaitasun guztiek laguntzen dute erabiltzailearen komunikazioahalmena
nola edo hala indartzen, eta ikuspegi horretatik komunikaziogaitasunaren
osagaitzat har daitezke. Helduek munduaz eta haren
funtzionamenduaz duten eredua oso landua eta xehetasunez artikulatua da, eta
lotura estua du lehendabiziko hizkuntzako hiztegiarekin eta gramatikarekin.
Izan ere, bi alderdiak elkarri lotuta garatu dira. Komunikazioak bi ereduren
arteko egokitasuna uztartzen du: solaskideek barneratuta duten munduaren
ereduarena, batetik, eta hizkuntzaren ereduarena, bestetik. Honenbestez,
gogoan izan behar da, besteak beste, Nafarroako biztanleen jatorria gero eta
zabalagoa dela, eta gero eta euskara-ikasle etorkin gehiago dagoela. Eta
kontuan hartu beharra da bakoitzaren lehendabiziko hizkuntza/k zein
den/diren, eta munduaren zein eredutan oinarritzen den/diren.
Munduaren ezagutzak (esperientziatik, hezkuntzatik, informazio-iturrietatik
eta abar eratorriak) ondorengoak hartzen ditu bere baitan:
- Lekuak, erakundeak, pertsonak, objektuak, gertaerak, prozesuak edo eskuhartzeak.
Hizkuntza jakin bat ikasten ari den ikaslearendako bereziki
garrantzizkoa da hizkuntza hori hitz egiten den herrialdea ezagutzea;
adibidez, ezaugarri geografiko nagusiak, ingurumenekoak, demografikoak,
ekonomikoak eta politikoak.
66