HENAC
HENAC
HENAC
Create successful ePaper yourself
Turn your PDF publications into a flip-book with our unique Google optimized e-Paper software.
<strong>HENAC</strong><br />
Komunikazio-gaitasunak Komunikazio-gaitasun orokorrak<br />
Lehenago esan den moduan, komunikazio-gaitasuna 9 gizakiak komunikatzeko<br />
duen gaitasun-multzoari deritzo. Alde batetik gaitasun orokorrak daude, eta<br />
bestetik hizkuntza-gaitasunak. Nolanahi ere, bi multzo horiek lotuak daude,<br />
gaitasun orokor horietako batzuk oso garrantzitsuak baitira hizkuntzaren<br />
erabileran (soziokulturalak eta estrategikoak, esate baterako). Komunikaziogaitasuna<br />
berezkoa izan ohi da, baina ikaskuntzaren bidez garatu ahal da.<br />
Jarraian komunikazio-gaitasun horien zerrendak ematen dira, euskararen<br />
ikaskuntzarako eta irakaskuntzarako baliagarriak izango direlakoan. Batzuk<br />
mailaka sailkatu dira, baina beste batzuk ez. Eduki orokorra duten atalak<br />
(maila guztietarako komunak) ez dira mailaka eman; baina mailakatzeko<br />
eduki didaktiko esanguratsua dutenak, ordea, mailaka sailkatu dira, eta eduki<br />
horien progresio zehatza eman da, maila batetik bestera (testu-generoak eta<br />
gaitasun gramatikala, esate baterako).<br />
Bestalde, argitu beharra dago hemen proposatzen diren zerrendak ez direla<br />
egin pentsatuta eduki guztiak beti eta maila guztietan landu beharko<br />
liratekeela, derrigorrez. Aitzitik, euskaltegi edo irakasle bakoitzak aldiko<br />
behar duena aukeratzeko tresna besterik ez dira, kontuan hartuta ikasleen<br />
ikaskuntza-estiloa, ikaslearen irakaskuntza-estiloa, programa, ataza-mota,<br />
sekuentzia didaktikoa, helburua… Jakina, bermatu beharko da, betiere,<br />
hautatutako eduki horien bidez egoki lantzen direla mailako hizkuntzajarduerak<br />
eta estrategiak gauzatzeko behar diren gaitasunak.<br />
9 Oharra: zenbait euskara-ikasle etorkinen kasuan, kontuan izan behar da askotan ikaskuntza-<br />
eta irakaskuntza-prozesuan garatu behar dituzten gaitasun batzuk indartzea komeni izaten<br />
dela, euren lehendabiziko hizkuntza/k eta erreferente sozio-kulturalak kontuan hartuta.<br />
Horrelakoetan, batez ere gaitasun soziokulturaletan jarri beharko da arreta (ohiturak,<br />
jokamoldeak…), eta gaitasun estrategikoak indartu beharko dira (estrategia metakognitiboak,<br />
afektiboak eta sozialak). Baina badira beste gaitasun batzuk ere landu beharrekoak; adibidez,<br />
gaitasun pragmatikoetan koherentzia soziolinguistikoak garrantzi handia izanen du, eta<br />
gaitasun gramatikalean alderdi batzuek pisu handia hartzen dute (fonetikak eta fonologiak,<br />
intonazioak, semantikak…).<br />
65