HENAC

HENAC
Hizkuntza-jarduerak eta estrategiak Elkarreragina
3.5.2. C1 Elkarreragina
C1 AHOZKO ELKARRERAGINA
Orokorra: gai da jariotasunez eta bat-batekotasunez hitz egiteko, ia ahaleginik
egin gabe. Hitzen errepertorio zabala du, itzulinguruak eginez gabeziak erraz
gainditzeko. Gai kontzeptual zailetan eta elkarrizketa bizi eta umoretsuetan
bakarrik izan dezake arazoren bat, diskurtsoaren jarioari eta naturaltasunari
eusteko.
1- Gai da gizarte-harremanetan hizkuntza malgutasunez eta
eraginkortasunez erabiltzeko, sentimenduak eta emozioak adierazteko,
norbaiti edo zerbaiti buruz jarduteko eta elkarrizketetan umorea, ironia...
adierazteko, baita erregistro intimoan ere.
2- Gai da, naturaltasun osoz hiztunen arteko solasaldi bizietan parte
hartzeko, ideiak jariotasunez eta laguntzarik gabe adieraziz, eta
harridura-hitzak ongi erabiliz.
3- Gai da eztabaida-taldeetako solaskideen artean gertatzen diren
elkarreragin konplexuak erraz ulertzeko, gaiak ezezagunak badira ere,
eta horietan parte hartzeko.
4- Gai da elkarrizketa formaletan eta laneko bileretan, eztabaiden erritmoari
erraz jarraitzeko, baita eztabaidak gai abstraktu, konplexu eta ezezagunei
buruzkoak badira ere.
5- Gai da bere jarrera era formalean eta sinesgarritasunez argudiatzeko, eta
jariotasunez eta egokitasunez, bat-batean, galderei, adierazpenei eta bere
kontrako argudio konplexuei erantzuteko.
6- Gai da bere lanbidearekin zerikusia duten gai guztiei buruzko informazio
konplexua eta aholkuak trukatzeko.
7- Gai da gatazken konponbidea negoziatzeko, adibidez, zirkulazio-isun
bidegabe bat erreklamatzeko, pisu batean eragindako kalteen ordain
ekonomikoa edo istripu baten erruduntasun-erantzukizuna eskatzeko.
8- Gai da arazo baten azalpena egiteko eta zerbitzuaren emaileak edo
bezeroak amore eman behar duela argi adierazteko. Gai da argudioa
garatzeko, kalte-ordaina eskatzeko, arrazoi sinesgarriak erabiliz.
9- Gai da arazo baten azalpena egiteko, eta bere argudioak ongi garatzeko
nahiz kalte-ordainak eskatzeko, arrazoi sinesgarriak erabiliz.
59
C1