HENAC

HENAC
Hizkuntza-jarduerak eta estrategiak Ulermena
3.5. C1 maila
Mailaren definizioa: gai da berbaldi luzeak eta hizketa biziak neke handirik
gabe ulertzeko, oso garbi egituratuta ez badaude ere, edo ideien erlazioak oso
esplizituak ez badira ere; telebista-programak eta filmak ere bai. Gertakarietan
oinarritutako testuak, filmak edo literatura-testu arruntak ulertzen ditu eta
erregistroak bereizi ditzake. Artikulu espezializatuak eta argibide tekniko
luzeak ulertzen ditu, bere eremukoak ez badira ere; hala ere, batzuetan lexikoa
traba izan daiteke. Natural eta jarioz hitz egiten du, esapideen bila nabarmen
luzatu gabe. Badaki, gizarte-edo lanbide-erlazioetan, hizkuntza malgu eta
eraginkor erabiltzen, ideiak eta iritziak zehatz adierazten, eta bere
adierazpenak beste solaskideenekin trebeziaz lotzen; hitzen esanahi
bikoitzaren gaineko umorea ere egin dezake. Gai da azalpen argiak eta xeheak
egiteko, ahoz eta idatziz, gai konplexuei buruz, horiekin lotutako gaiak
integratuz, zenbait puntu garatuz eta berbaldia egoki amaituz, eta baita testu
argi eta ongi egituratuak osatzeko ere, ikuspuntua luze-zabal adieraziz. Badaki
gai gehienak adierazten, gutun, idazlan edo txostenetan, puntu
garrantzitsuenak azpimarratuz, malgu eta eraginkor. Hartzaileari egokitutako
erregistroa erabiltzen du.
3.5.1. C1 Ulermena
C1 AHOZKO ULERMENA
Orokorra: gai da berbaldi luze edota biziak nekerik gabe jarraitzeko, nahiz eta
litekeena den xehetasunen bat (hitz, esamolde...) ziurtatu behar izatea, batez
ere doinuarekin ohituta ez badago. Gai da esamolde idiomatiko eta
lagunarteko asko ezagutzeko eta erregistro-aldaketaz xehetasunez ohartzeko.
Gai da ideiak xehetasunez ulertzeko, baita esplizituak ez direnak ere. Gai da
euskalki gehienetako solasaldietako ideia nagusiak ulertzeko, hizkera
horretara ohitzeko denbora izan badu.
56
C1