HENAC
HENAC
HENAC
Create successful ePaper yourself
Turn your PDF publications into a flip-book with our unique Google optimized e-Paper software.
<strong>HENAC</strong><br />
Hizkuntza-jarduerak eta estrategiak Elkarreragina<br />
3.3.2. B1 Elkarreragina<br />
B1 AHOZKO ELKARRERAGINA<br />
Orokorra: gai da, eguneroko testuinguru ezagunetan, nolabaiteko<br />
segurtasunez komunikatzeko, batez ere aisialdian eta harremanetan. Gai da<br />
sor daitezkeen ohiko egoera gehienetan ongi moldatzeko. Beharrezkoa du,<br />
dena den, maiz errepikatzea edo birformulatzea.<br />
1- Gai da gertuko gaiez elkarrizketa sinpleak hasteko, mantentzeko, eta<br />
bukatzeko: familia, zaletasunak, lana, bidaiak, gaurkotasunezko<br />
gertakariak… Eragozpen handiegirik gabe moldatzen da, eta ez du, esate<br />
baterako, etengabe galdetu beharrik. Baina tarteka komunikaziotentsioak<br />
sor daitezke.<br />
2- Gai da helburu edo plan bat lortu nahi duenean edo arazo bat konpondu<br />
behar denean, arrazoiak emateko eta jasotzeko, jarraitu beharreko<br />
urratsez eztabaidatzeko, eta aukerak balioesteko. Dena den, maiz<br />
birformulatzen du, eta birformulatu behar izaten zaio.<br />
3- Badaki zalantzak transmititzen, iritziak ematen, baldintzak jartzen eta<br />
jarrerak adierazten eta ulertzen, betiere oso modu xumean: bidaietan,<br />
dendetan, udaletxean, kultur etxean, elkartean, bankuan…<br />
4- Gai da eguneroko bizitzan kutsu formaleko kexa edo erreklamazioak<br />
egiteko, eta argibideak eskatzeko eta emateko, modu xumean, eta<br />
erregistro neutralean. Gai da eskatzen zaion informazioa zehatz<br />
emateko: bankuko eragiketa errazetan, kultur etxean, ikastetxean…<br />
B1 IDATZIZKO ELKARRERAGINA<br />
Orokorra: gai da gutun eta ohar pertsonalak irakurtzeko eta idazteko,<br />
berehalako informazio erraza eskatuz eta emanez, eta garrantzitsuak diren<br />
alderdiak nabarmenduz.<br />
1- Gai da ohiko kontaktu eta ohitura sozialak gauzatzeko (informazio erraza<br />
eskatzeko edo emateko, alderdi garrantzitsu batzuk nabarmentzeko, eta<br />
afera zehaztasunez adierazteko, edo proposamen xeheak egiteko):<br />
oharretan, gutunen eta posta elektronikoen bidez, eta baita ere<br />
Interneteko sare sozialen bidez.<br />
2- Gai da lagun batekin gutun-truke sarria izateko, edo sare sozial batean<br />
iraunkortasunez parte hartzeko. Gai da gutun eta posta elektronikoetan<br />
gertaera eta sentimendua bereizteko, eta sentipen pertsonalak nahiko<br />
ongi ulertzeko.<br />
43<br />
B1
Change language