HENAC

HENAC
Hizkuntza-jarduerak eta estrategiak Ulermena
3.2. A2 maila
Mailaren definizioa: gai da eguneroko bizitzan hurbileko bizipenei lotutako
testuak, esaldi eta esapide mailakoak, ulertzeko, solaskidea laguntzeko prest
badago: bere buruari eta familiari buruzko oinarrizko informazioa, erosketei,
intereseko lekuei, lanbideei eta abarri buruzko informazioa… Badaki ataza
soilak eta arruntak egiteko orduan komunikatzen, baldin eta ezagunak edo
ohikoak dituen gaiei buruzko informazio-truke erraza eta zuzena bakarrik
eskatzen badute. Badaki bere iraganaz eta inguruneaz narrazio eta
deskribapen errazak ulertzen eta idazten, eta badaki bere berehalako beharrak
adierazten. Zailtasunak izaten ditu testu luzeagoetako ideia nagusiak
ulertzeko.
3.2.1. A2 Ulermena
A2 AHOZKO ULERMENA
Orokorra: gai da ulertzeko bere eguneko bizitzako ahozko testu laburrak
(zuzenekoak, telefonokoak nahiz komunikabideetakoak), batez ere esaldi eta
esapide mailakoak, eta solaskidea laguntzeko prest badago. Behar eta ataza
zehatzei aurre egiteko adina ulertzen du, baldin eta diskurtsoa ongi egituratua
badago, erregistro neutroan egina bada, laburra, aski motela, eta ongi
ahoskatua. Zailtasunak izaten ditu hizketaldi luzeagoen ideia nagusiak
ulertzeko, batez ere ulertu ez duena errepikatzeko aukerarik ez badu.
1- Gai da esapide eta esaldi ugari ulertzeko, hurbileko gaietan: erosketak,
bizitokia, lana, bidaiak…
2- Gai da ohar, mezu eta iragarki labur eta sinpleetan zentzu nagusia
harrapatzeko: tren geltokiko ohar errazak, telebistako trafiko-aholkuak,
publizitatea, irratiko agendak…
3- Gai da instrukziozko oso testu errazak ulertzeko: eguneroko tresnen
erabilera, errezeta laburrak, helbide eta norabideetako xehetasunak,
mapen gainean emandako jarraibideak…
4- Gai da pertsona, toki, animalia eta gauzen deskribapenak ongi samar
ulertzeko.
33
A2