HENAC

HENAC
Hizkuntza-jarduerak eta estrategiak Ulermena
3.1. A1 maila
Mailaren definizioa: gai da eguneroko bizitzan euskaraz sarri erabiltzen diren
hitzak eta esapide mailako testuak ulertzeko eta erabiltzeko, eta baita
berehalako beharrak asetzeko esaldi soilak osatzeko ere. Badaki bere buruaren
eta besteen aurkezpena egiten, eta helbideari, gauzei eta ezagutzen duen
jendeari buruzko oinarrizko informazio pertsonala ematen eta eskatzen.
Azaleko harremanak izan ditzake, batez ere galde-erantzunen egituran, baldin
eta solaskideak mantso eta argi hitz egiten badio, eta laguntzeko prest badago.
3.1.1. A1 Ulermena
A1 AHOZKO ULERMENA
Orokorra: gai da eguneroko bizitzan euskaraz sarri erabiltzen diren hitzak eta
esapide errazak ulertzeko, eta gai da berehalako premiei lotutako galderak eta
oharrak ulertzeko. Azaleko harremanak izan ditzake euskara estandarrean ari
direnekin, batez ere galde-erantzunen egituran, baldin eta solaskideak mantso
hitz egiten badio, oso ongi ahoskatzen badu, etenak egiten baditu, eta
errepikatzeko prest badago. Keinuak eta irudiak lagungarri zaizkio.
1- Gai da hizketa edo elkarrizketa errazetan hainbat hitz eta esapide
ulertzeko: egunak, egunaren atalak, hilabeteak, koloreak, zenbakiak,
prezioak, datak, orduak, denbora-erreferentziak…
2- Gai da ahozko hainbat esaldi erraz ulertzeko, eguneroko gaietan:
irakaslearen oharrak, familiari buruko kontuak, zaletasunak…
3- Gai da astiro eta kontu handiz egindako galderak, oharrak, eskaerak eta
instrukzio errazak ulertzeko, bai zuzenean, bai bestela (megafonia, irratitelebistak,
iragarkiak…): argia piztu, liburua etxera eraman, aretoa itxi
eginen da…
4- Gai da toki batetik bestera nola joan behar den azaltzen dionari
ulertzeko.
5- Gai da pertsonen eta tokien deskribapen errazak ulertzeko: norbaiten
aurkezpena, solaskidearen zaletasunak, pertsonen eta etxebizitzen
deskribapen soilak…
28
A1