HENAC

Hizkuntza-jarduerak eta estrategiak
HENAC
Aurrerago esan den moduan, hizkuntza-jarduerak komunikatzeko ekintza
batzuk dira, zeinetan erabiltzaileak komunikatzeko hizkuntza erabiltzen duen.
Jarduera horien helburua pragmatikoa izaten da (hizkuntza zerbait lortzeko
erabiltzea), eta horretarako gaitasun guztiak baliatu behar izaten dira.
Ondoko adierazleen bidez, euskara-erabiltzaileei dagozkien hizkuntzajarduerak
eta estrategiak zerrendatzen dira, mailaz maila doituz erabiltzaile
horiek zertarako diren gai. Esan beharra dago adierazle horiek banaka landu
eta ebaluatu badaitezke ere, askoz ohikoagoa dela multzoka lantzea eta
ebaluatzea, ataza berean horietako zenbait bil daitezkeelako.
Adierazle hauek zenbait eginkizun bateratzeko tresna baliagarriak izan
daitezke:
1- Programazioak zehazteko
Ikaskuntza- eta irakaskuntza-prozesuetan helburu-zerrenda gisa erabil
daitezke; adibidez, ikastaro bat diseinatzean, ikastaro horretan landu
beharreko helburuak zein diren zehazteko.
Prozesu horretan helburuak lortzen ari diren edo ez neurtzeko, eta
bidean helburuak birformulatzen laguntzeko.
2- Material didaktikoa sortzeko
Sekuentzia didaktikoak.
Ataza didaktikoa.
Ariketak
Testu-liburuak.
3- Ebaluatzeko eta egiaztatzeko 7
Ebaluazio formatiborako eta sumatiborako ere balio dute, ikastaro
batean ikasle bat helburuak lortzen ari den edo ez neurtzeko.
Ikasle edo erabiltzaileek euren buruari helburu zehatzak formulatzeko
tresna ere badira. Hartara, nork bere ikaskuntza-prozesua gidatu ahal
izanen du, mugarriak jarriz eta lorpenak autoebaluatuz. Egiaztapenetan
ere bai, eskatu beharreko gutxieneko gaitasunak zein diren erabakitzen
laguntzeko, azterketarien maila zein den zehazten laguntzeko, eta
emaitzen berri emateko.
7 Ikusi 5.1.3.2. atala.
27