HENAC

HENAC
Ebaluazioa Ebaluazio-irizpideak
5.2.5. C1 mailako ebaluazio-irizpideak
a. C1 Koherentzia soziolinguistikoa
Esamolde idiomatiko eta lagunarteko asko ezagutzen ditu eta erregistroaldaketei
antzematen die; baliteke, alabaina, tarteka xehetasunak ziurtatu
behar izatea. Ongi bereizten ditu erregistro formala, informala, ofiziala edo
espezializatua eta intimoa. Esamolde idiomatiko asko erabiltzen dituzten
testuak ulertzen ditu, ahozkoak zein idatziak. Hizkuntza gizarte-harremanetan
malgutasunez eta eraginkortasunez erabiltzeko gai da, baita emozioak
adierazteko, norbaiti edo zerbaiti buruz jarduteko, eta umorea erabiltzeko ere
(haserrea, adeitasuna, ironia, ziurtasun gabezia…).
Esaten duena adierazteko baliabideak egoerari eta hartzaileari egokitzeko eta
egoera bakoitzari dagokion erregistroa erabiltzeko gai da, baita elkarrizketan
gertatu ohi diren norabidearen, estiloaren eta enfasiaren aldaketetara
egokitzeko ere. Bere espezialitateko testuak eta testu ofizial batzuk ekoizteko
gai ere bada. Baina mugak izan ditzake, batetik, diskurtso tekniko edo oso
espezializatuak sortzeko, eta bestetik, intimoetako xehetasunak eta emoziograduak
emateko.
b. C1 Diskurtsoaren antolaketa
Testu landuak, argiak, ongi egituratuak, koherenteak eta ongi kohesionatuak
sortzen ditu, askotariko gaiei buruzkoak, ikuspegi desberdinak adieraziz,
amaieran ondorio egokia atereaz, eta mekanismo linguistikoak modu egokian
erabiliz.
Paragrafo bakoitzean ideia nagusia eta bigarren mailakoak modu koherentean
lotzen ditu; paragrafoen arteko lotura ere koherentziaz egiten du. Esaldien
barruko ordenan, gehienetan, ez du akats nabarmenik egiten: galdegaia eta
mintzagaia ongi bereizten ditu, eta, beraz, badaki non kokatu. Diskurtsoa
egituratzeko, testu-antolatzaileak eta puntuazio-markak ongi erabiltzen ditu.
Puntuazioa ere zuzena da, tarteka egindako akatsak kenduta: puntu eta koma,
bi puntu, marratxoak, komatxoak… Intonazioa ere modulatzen badaki, eta
242
C1