HENAC

HENAC
Ebaluazioa Ebaluazio-irizpideak
ohikoak ez diren gaietan, eta testu idatziak berriz irakurri behar izaten ditu,
eta errepikapen eta azalpen osagarrien beharrean egoten da.
Elkarreragina:
Badaki hizketaldia modu egokian hasten, jarraipena ematen eta amaitzen, hitz
egiteko txanda modu egokian erabiliz, esandakoa ulertzen duela berretsiz, eta
beste solaskide batzuk parte hartzera bultzatuz. Eztabaidetan parte hartzeko
estrategiak ere baliatzen ditu, argudioak emateko eta indartzeko.
Badaki bere ikuspuntua azaltzerakoan estrategiak erabiltzen, hartzaileari
behar dituen xehetasunak emateko: adibide egokiak, errepikapen indargarriak,
berrantolaketa esanguratsuak… Eta gai da galderak egiteko, solaskideak
esandakoa ea ulertzen duen egiaztatzeko asmoz, eta baita ere eskatzeko
zalantzazko alderdiak azal diezazkiotela.
Adierazpena:
Esaldi eginak erabiltzen ditu esan beharrekoa pentsatzen duen bitartean
(adibidez, Galdera horri erantzutea ez da erraza). Horrela, denbora irabazten
du, eta hitz egiteko txandari eusten dio, naturaltasunez. Itzulinguruak eta
parafrasiak erabiltzen ditu, hiztegian eta egituretan dituen hutsuneak bete ahal
izateko. Bestalde, akatsak, hutsegiteak eta gaizki-ulertuak zuzentzeko gai da.
e. B2 Ahozko jariotasuna
Erritmo erregularreko diskurtsoak ekoizten ditu, eta nahiko modu naturalean
aritzen da. Elkarrizketetan bat-batean jariotasunez jarduteko gai da, eta
elkarreragin erregularra izaten du, alderdi bati nahiz besteari tentsiorik sortu
gabe. Baina tarteka zalantza egin dezake egiturak eta esapideak aurkitzeko,
edo esaldiak berrantolatzeko. Horren ondorioz, eten txiki batzuk sor daitezke,
batez ere gaia arrotza zaionean, edo solaskidea ez bada euskara estandarrean
ari. Oraindik ez du euskaldunen abiaduraz hitz egiten, baina sobera motel ere
ez da aritzen.
241
B2