HENAC

HENAC
Ebaluazioa Ebaluazio-irizpideak
5.2.3. B1 mailako ebaluazio-irizpideak
a. B1 Koherentzia soziolinguistikoa
Badaki egoera orokorretan kontuan hartzen nori zuzentzen zaion, zertarako,
eta gaia zein den. Eta horren arabera, ulermen-mailan bereizten ditu erregistro
formaleko eta informaleko hainbat esapide eta diskurtso, eta ingurukoen
ohitura, jarrera eta balioen arteko desberdintasunaz jabetzen da. Hizkuntzafuntzio
asko gauzatzen ditu, erregistro neutroa erabiliz: zalantzak agertu,
kexak adierazi, balorazioak egin, gauzak eman/eskatu…
Oro har, moldatzen da oinarrizko harremanak izaten, eragozpen handirik sortu
gabe. Dena den, kosta egiten zaio egoera guztietara bere jarduna erabat
egokitzen, eta zenbaitetan arrotz eta artifizial geratuko da.
b. B1 Diskurtsoaren antolaketa
Bere mailako testu ulergarriak sortzen ditu, oztoporik gabe, eta eman nahi
dituen ideiak interpretatzen ibili behar izan gabe. Diskurtsoa hari nagusi baten
inguruan modu linealean antolatzen du (denbora, espazioa, prozesua…), nahiz
eta erabat josia ez izan. Elementu labur, solte eta bakunak lotzen ditu, eta
sekuentzia kohesiodun soilak sortzeko gai da, baliabide batzuk erabilita (hala
ere, nahiz eta, beraz, batetik…bestetik…).
Zenbait puntuazio-marka ere ongi erabiltzen badaki: komaren ohiko
erabilerak; marratxoaren erabilera errazenak; eten-puntuak… Gainera, hasia
da esaldi bakun laburretan ordena markatua erabiltzen. Hainbat baliabide
paralinguistiko baliatzen hasia da diskurtsoaren kohesioa indartzeko
(onomatopeiak, intonazioa, baliabide tipografikoak…).
Dena dela, koherentzia arazoak ager ditzake bigarren mailako ideiak garatu
behar dituenean, esaldi luzeak lotu behar dituenean, edota aurrez ikusita ez
dauden egoerak sortzen direnean (ustekabeak eta inprobisazioak).
235
B1