HENAC

HENAC
Ebaluazioa Ebaluazio-irizpideak
Mailari dagozkion baliabide gramatikalak baliatzen ditu: singularra eta plurala
gehienetan ongi markatzen ditu, baina akatsak ere ugariak dira; ohiko aditzen
sistema nolabait bereizten du (NOR, NOR-NORK, NOR-NORI-NORK,
NOR-NORI), nahiz eta oraindik nahastu egiten den; subjektuaren eta
aditzaren arteko komunztaduran oraindik ere huts bakan batzuk eginen ditu;
nominalizazioa erabiltzen hasia da; gehienetan perpaus bakunak erraz eginen
ditu, eta hasia da, bestalde, mendeko perpaus batzuk ere erabiltzen
(osagarriak, denborazkoak, helburuzkoak eta kausazkoak, batez ere)…
Aberastasun semantikoari dagokionez, egoera eta gai ezagunei buruzko
jarduera arruntetan eta eguneroko trukeetan moldatzeko adinako hiztegia du.
Oso errepertorio mugatua du, alabaina, eguneroko premia zehatzak asetzeko,
eta mezua bere errepertoriora mugatu behar izaten du gehienetan. Esaldi
errazak egiten ditu, hiztegi mugatua du, kategoriak bereizteko zailtasunak
izaten ditu.
d. A2 Estrategiak
Ulermena eta elkarreragina:
Elkarrizketa laburrak hasteko, izateko edo amaitzeko estrategia errazak
erabiltzen ditu, eta badaki besteen arreta erakartzen. Badaki solaskideari ulertu
ez duena argitzeko eskatzen, oso era errazean eta esamolde eginak erabiliz.
Bestalde, ezagutzen ez dituen ohiko hitz errazen esanahia ondorioztatzen
hasia da, testuingurutik abiatuta.
Adierazpena:
Badaki entzundako esaldi-sail bat gogoratzen, eta diskurtsoa bere
errepertoriora moldatzen. Bere errepertorioan hitz egokirik aurkitzen ez badu,
keinuekin betetzen du hutsunea, edo bestela ordezkapen lexikala egiten du,
batez ere hiperonimo errazen bidez (astoa>animalia; giltza>gauza). Badaki
zerbait kontatzen oinarrizko esaldi-zerrenda batetik abiatuta, eta badaki,
bestalde, esaldiok zabaltzen, zenbait elementu era errazean konbinatuz.
233
A2