HENAC

Ebaluazioa Ebaluazio-irizpideak
HENAC
5.2. Ebaluazio-irizpideak 63
Metodologiari eta ebaluazioari buruzko printzipio orokorretan esan dugu
ebaluazio egoki baten oinarri izan beharko luketela, batetik, curriculum honetan
ematen diren Mailen definizio orokorrak (ikusi 2. atala); bestetik, mailaz
mailako Komunikazio-jarduerak eta estrategiak (ikusi 3. atala); eta baita ere
horiek gauzatzeko baliatzen diren Testu-generoak (ikusi 4.2. atala). Dena den,
mesedegarria izan daiteke mailaz maila kategoria sinplifikatu batzuk zehaztea,
hizkuntza-jarduera horiek ebaluatzen direnean hizkuntzaren kalitate-maila
nahikoa den edo ez jakiteko, eta batez ere eskatu beharreko gutxieneko
gaitasunak zein diren erabaki behar denean zeri erreparatu behar zaion jakiteko.
Eta ez da ahaztu behar kategoria horien ebaluazioak ez duela zentzurik, ez bada
hizkuntza-jarduera bati edo batzuei lotuta, komunikazio-testuinguru jakin baten
barnean. Hona curriculum honetan garatu diren 5 kategoriak, ebaluatzeko
lagungarri izanen direlakoan:
1- Koherentzia soziolinguistikoa.
2- Diskurtsoaren antolaketa.
3- Baliabide gramatikalak.
4- Estrategiak.
5- Jariotasuna.
Esan beharra dago, ordea, ez dela komeni kategoria horietan ematen diren
adierazleekin zurrunegi jokatzea; aitzitik, kategoria horien ebaluazio
ponderatua egin daiteke, eta zenbait adierazletan konpentsazio-bideak egon
daitezke (hiztun orok komunikatzeko egiten duen bezala), muga onargarri
batzuen barnean, betiere. Horrek esan nahi du balitekeela erabiltzaile batek
kategoria batean maila handia izatea, eta beste batean ordea, zalantzazkoa.
Edo gerta daiteke adierazle jakin batean nahikotasun-mailarik ez izatea, baina
aski ona beste guztietan. Kasu horietan, konpentsazio-irizpideak ezar
daitezke, indarguneak nahikoak baldin badira ahuleziak orekatzeko edo
estaltzeko.
63 Ikusi 5.1.3.2. atala.
228