HENAC

Ebaluazioa Prinzipio orokorrak
c. Ondorioak:
HENAC
- Nola erabiltzen dira emaitzak?
- Zein neurri hartuko dira kontuan, ikaskuntza hobetzeko?
- Nolako informazioa (feedback) jasotzen dute ikasleek haien
emaitzei buruz?
- Zein bide daude ikasleek edo ikasleen tutoreek erreklamazioak
jartzeko edo berrikusketak eskatzeko?
- Zein dira ebaluazio-prozeduren ondorioak irakasteko jardueretan?
- Zein dira ebaluazio-emaitzen ondorioak ikasleendako?
5.1.4.2. Ebaluazio egiaztatzailea
Ondotik, gogoeta batzuk eta gutxieneko estandarrak eskaintzen dira,
egiaztatze-probak egiten dituzten erakunde edota zentro publiko eta
pribatuendako. Hizkuntza-probak egitearekin zerikusia duten kideek argi izan
beharko dituzte ondorengo puntuak, eta argi adierazi beharko dizkiete gako
horiek probekin zerikusi zuzena duten guztiei (irakasleei/ikasleei/biztanleriari,
oro har).
a. Proba eraikitzea:
- Azterketaren oinarri teorikoa; esaterako, gaitasun komunikatiboa
kontuan hartzen duen eredu bat izatea.
- Azterketaren helburua: azterketa zein testuingurutan erabiltzen den,
eta zein populaziorendako den egokia.
- Azterketa-prestatzaileak aukeratzeko eta horiei prestakuntza
eskaintzeko irizpideak ematea. Horrez gain, proba sortzeko eta balioesteko,
adituen irizpenak kontuan hartzea.
- Deialdi desberdinetan egiten diren azterketak parekagarriak izatea:
edukietan, egonkortasunean eta baliokidetzan, iraunkortasunean eta
kalifikazioetan. Hau da, nahiz eta desberdinak izan, egiten diren proba guztiek
225