HENAC

Ebaluazioa Prinzipio orokorrak
HENAC
5.1.3.2. Curriculuma: ebaluazioa bideragarri
egiteko tresna
Aurretik esan den bezala, ebaluazio egoki baten ardatza da neurtzea ea
euskara-erabiltzaileak zenbait hizkuntza-gaitasun garatuak dituen edo ez
(ikusi 4. atala). Eta hizkuntza-gaitasunak hizkuntza-jarduerak eta estrategiak
eginez gauzatzen direnez, ebaluatzailearen xedea hizkuntza-jarduera eta
estrategia horiek ebaluatzea da; batez ere ea baliabide eta estrategia egokiak
erabiltzen dituen, eta ea gai den baliabide horien bidez jarduera bakoitzaren
komunikazio-xedea lortzeko. Bestalde, hizkuntza-jarduerak gizartetestuinguruan
kokatu beharko lirateke, edo antzeko baldintzak dituen egoera
batean.
Eta hori guztia lortzen laguntzeko, eta ebaluazioa bideragarria izateko, hiru
tresna nagusi eskaintzen ditu curriculum honek:
a. Mailen definizioak eta hizkuntza-jarduerak eta estrategiak (ikusi
3. atala).
b. Testu-generoak (ikusi 4.2.1.1. atala).
c. Ebaluazio-irizpideak (ikusi 5.2. atala).
Ebaluazioa noiz, nola, nork eta zertarako egin behar den kontuan hartuta, lau
tresna horietako bat edo bestea bat izan daiteke egokiagoa, zehaztasun eta
izaera desberdinekoak dira eta.
a. Mailen definizioak eta hizkuntza-jardueren eta
estrategien deskribatzaileak
Mailen definizioak eta hizkuntza-jarduerak eta estrategiak deskribatzeko
deskribatzaile-eskalak erabiltzen dira. Eskala horiek zerrenda kontzeptual bat
eratzen dute, maila bakoitzean hizkuntza-erabiltzaile batek izan beharko
lituzkeen gaitasunak xeheki ematen dituena. Zerrenda hori hiru gauzatarako
erabil daiteke:
. Helduen euskalduntzean eta egiaztatzean diharduten erakunde desberdinen
programak eta ebaluazio-irizpideak lotzeko, Europako Erreferentzia Marko
Bateratua oinarri hartuta.
219