HENAC

Ebaluazioa Prinzipio orokorrak
5.1.2.2. Nork ebaluatu?
HENAC
Nork ebaluatzen duen kontuan hartuta, bi kontzeptu bereiztea komeni da:
- Kanpoko ebaluazioa: kanpoko irizpidearen araberako ebaluazioa.
Ikastaldetik edo ikastegitik kanpoko aztertzaileek egindako ebaluazioari
esaten zaio. Gehienetan egiaztatzailea izan ohi da.
- Barneko ebaluazioa: irakasleak edo ikastetxeak berak egindakoa.
Hori kontuan hartuta, lau modutara sailka daiteke ebaluazioa, ebaluazioan
nork parte hartzen duen kontuan hartuta:
a. Heteroebaluazioa
Heteroebaluazioan, ebaluatzaile batek hizkuntza-erabiltzaile baten prozesua
baloratzen du: non dagoen, zer lortu duen eta zer falta zaion, eta zein hutsune
eta indargune dituen. Mota hau da hedatuena, eta beti erabili izan da
irakaskuntzan. Heteroebaluazioa bi eratakoa izan daiteke: banakakoa,
ebaluatzaileak ikasleak banan-banan aztertzen dituenean, eta taldekoa,
ikastaldea bere osotasunean aztertzen duenean.
b. Autoebaluazioa
Balorazioa ikasleak berak egiten duenean, autoebaluazioaz mintzo gara. Hau
ere bakoiztua zein taldekoa izan daiteke. Bestalde, ebaluatzailearen
autoebaluazioa ere aipagarria da.
216