HENAC

HENAC
Sarrera Printzipio metodologikoak
HIZKUNTZA-JARDUERAK 1
Hizkuntza-jarduerak komunikatzeko ekintza batzuk dira, zeinetan
erabiltzaileak komunikatzeko hizkuntza erabiltzen duen. Jarduera horien
helburua pragmatikoa izaten da (hizkuntza zerbait lortzeko erabiltzea), eta
horretarako gaitasun guztiak baliatu behar izaten dira.
Hizkuntza-jarduera horiek izan daitezke, batetik, ulermenezkoak,
adierazpenezkoak edota elkarreraginezkoak. Bestetik, izan daitezke ahozkoak
eta idatzizkoak. Beraz, bi multzo horiek konbinatuta, sei hizkuntza-jarduera
multzo sortzen dira:
-Entzumena (ahozko ulermena).
-Mintzamena (ahozko adierazpena).
-Irakurmena (idatzizko ulermena).
-Idazmena (idatzizko adierazpena)
-Ahozko elkarreragina.
-Idatzizko elkarreragina.
Prozesu moduan, ulermena eta adierazpena (ahozkoa nahiz idatzizkoa)
primarioak dira, biak baitira ezinbestekoak. Bestalde, elkarreraginean
gutxienez bi gizabanakok egiten dute ahozko edo idatzizko trukea, eta truke
horretan adierazpena eta ulermena txandaka garatzen dira (eta ahozko
komunikazioan, baita aldi berean ere). Oro har, elkarreraginari garrantzi
handia ematen zaio hizkuntzaren erabileran eta ikaskuntzan, funtsezko baita
komunikazioan.
GAITASUN OROKORRAK
Gaitasun orokorrak norberaren ezagutzen, abilezien, ahalmenen eta
ezaugarrien batura dira; horiei esker gauza ditzake pertsonak era guztietako
jarduerak (hizkuntza-jarduerak barne). Hizkuntza-erabiltzaile eta ikasleek,
atazak eta jarduerak burutu behar dituztenean, euren aurreko esperientzian
garatutako zenbait gaitasun orokor baliatzen dituzte, komunikazio-egoerei
aurre egiteko. Era berean, hizkuntza-jarduera horietan parte hartzeak
ikaslearen gaitasunen garapena areagotzea dakar.
1 Ikusi 3. atala.
18