HENAC

HENAC
Sarrera Printzipio metodologikoak
b) Beraz, gaitasunetan oinarritutako irakaskuntza eta ebaluazioa izanen
da curriculumaren oinarri metodologikoa. Hau da, gakoa izanen da
jakitea euskara-ikasleak eta erabiltzaileak zer egiteko gai diren; alegia,
zein gaitasun orokor dituzten, zein komunikazio-gaitasun duten, eta
zein hizkuntza-gaitasun dituzten.
c) Gogoeta honek ikaskuntzaren eta irakaskuntzaren lanketa
komunikatibora eta konstruktibistara eramaten gaitu, batez ere.
Konstruktibismoaren arabera, ezagutza prozesu dinamiko eta interaktiboa da.
Prozesu horren bidez, adimenak informazioa behin eta berriz interpretatzen
du, eta errealitatea norberak sortzen dituen eredu esplikatzaileen bidez
identifikatzen du. Ezagutza berdinketa baten emaitza da, aurreko ezagutzen
eta unean-unean jasotzen den informazio berriaren artekoa. Orekatze honetan
bi prozesu osagarrik hartzen dute parte: asimilazioak eta egokitzapenak.
1- Asimilazioaren bidez, gizakiak informazio berria moldatu egiten du,
aurretik dakienarekin bat egiteko.
2- Egokitzapenaren bidez, dakiena moldatu egiten du, informazio berria
aintzat hartzeko.
Konstruktibismoaren ikuspegitik, bigarren hizkuntzaren ikaskuntza-prozesua
ikaslearen aurreko ezagutzen eta eduki berrien arteko sintesi- edo orekatzeprozesua
da. Ikasleak, elementu linguistiko berriak bereganatu ahala
(asimilazioa), bere aurreko ezagutza moldatu egiten du, xede-hizkuntzaren
arabera (egokitzapena). Sintesi-prozesu horren emaitza tarteko hizkuntza
deritzon kontzeptua da.
Konstruktibismoak tarteko hizkuntzaren ezaugarriak bereak egiteaz gain,
honako hauek ere hartzen ditu kontuan:
1. Hizkuntza bat ikastean norberaren esperientzietako datuen barnelanketa
egiten da. Ikasleei dagokionez, barne-lanketa horietako
desberdintasunek ikaskuntza-estilo desberdinak ekartzen dituzte.
2. Ikasle guztiak ez dira berdinak.
3. Ikaskuntzaren eskema kognitiboak (jakin beharrekoak, egiturak,
gaitasun soziokulturala...) ez dira unibertsalak; aitzitik, eskema
14