HENAC

HENAC
Komunikazio-gaitasunak Hizkuntza-gaitasunak Gaitasun pragmatikoak
C1 maila
Gai da esamolde idiomatiko eta lagunarteko asko ulertzeko, eta erregistro
aldaketei antzemateko. Ongi bereizten ditu erregistro formala, informala,
ofiziala edo espezializatua, eta intimoa. Jabetzen da, beraz, hizkuntzaren
inplikazio soziolinguistikoez.
Gai da bere jardunean desberdintasun soziolinguistikoetara moldatzeko, eta
euskara gizarte-harremanetan malgutasunez eta eraginkortasunez erabiltzeko.
Erregistro formala eta informala ongi erabiltzen ditu. Bere espezialitateko
hainbat testu eta testu ofizial batzuk ekoizteko gai ere bada. Baina mugak
ditu, batetik, oso diskurtso tekniko espezializatuak sortzeko, eta bestetik,
diskurtso intimoetako xehetasunak eta emozio-graduak emateko trabak izan
ditzake.
b. Ideien koherentzia
Koherentzia testuaren edo diskurtso-sekuentziaren ezaugarrietako bat da.
Koherentzia egoteko, testuko ideiek eta kontzeptuek ongi egituratuta egon
behar dute; ordenatuta, alegia. Ideiek uztardura logiko bat izan behar dute, eta
pertinenteak diren kontzeptuak baliatu behar dira, eta pertinenteak ez direnak
bazterrean utzi.
Hori guztia lantzeko honako oinarri hauek daude:
1- Ideien antolaketa:
▪ Gai eta tesia, ideia nagusiak eta bigarren mailako ideiak ongi bereiztea.
▪ Informazioaren kantitatea (adibideak, arrazoiak, informazioa osagarria…)
eta kalitatea (kontzeptu pertinenteak, informazio egokia…) ongi neurtzea.
…
2- Paragrafoen antolaketa:
Idatzizko komunikazioan testuaren progresio logikoan garrantzi handiko
unitatea paragrafoa da. Izan ere, paragrafo bakoitzak ideia nagusi bat biltzen
baitu, eta ideia horrek markatzen du barruko esaldien kohesioa.
110