HENAC

Sarrera Atarikoa
HENAC
CURRICULUMA, ZERTARAKO?
Curriculum hau Nafarroako helduak euskalduntzeko hizkuntza-programak,
curriculumetarako jarraibideak, azterketak, materialak eta abar prestatzeko
oinarri bateratua da. Euskara komunikazio-tresna gisa erabiltzeko jakin
beharrekoa deskribatzen du, eta helburu horiek lortzeko beharrezkoak diren
xehetasunak: hizkuntza-printzipioak, mailak, edukiak, metodologia,
prozesuak…
Azken finean, tresna honen helburua da helduak euskalduntzen diharduten
profesionalen eta erakundeen arteko komunikazioa erraztea, eta baita
bezeroekikoa ere. Hau da, tresna bateratua izan nahi du ikasleen,
azterketarien, irakasleen, ikastaro-diseinatzaileen, aztertzaileen eta
administrarien lana koordinatzeko eta hobetzeko.
CURRICULUMA, NOLAKOA?
Administrazioak egiten duen curriculumak oinarrizkoa behar du izan,
orokorra eta zabala. Dokumentu honi 1. zehaztapen-mailako curriculuma
deritzo. Gero, euskaltegi (edo erakunde) bakoitzak berea egin beharko du, 2.
zehaztapen-mailakoa, aurrekoan oinarritua, eta bere ezaugarrietara moldatua.
Eta euskaltegi bakoitzak autonomia izan behar du bere egoera
soziokulturalera moldatzeko. Eta azkenik, 3. zehaztapen-mailako curriculuma
etorriko da: irakasle edo aztertzaile bakoitzak talde eta ikasle bakoitzari
egokitzeko prestatuko duena. Hartara, 3. zehaztapen horren bidez, egunez
egun eta atazaz ataza ikasle eta irakasleek egin behar dutena hezurmamituko
da.
11