Bilîcan - Nefel

Mîr Elî Siwaran ji cî hilqedimî. Ciyê xwe xoþ kir û li dû ra du, sê caran
xwe kuxand. Ev e duruþmeke taybete Mîr Elî Siwarani bû. Hemûyê
wateya vê duruþmê dizanîn. Bi kuxiyana Mîrî ra, tu çawa berekî bavêjî
gola beqan, civata di hundurê xîvetê da jî wisan bêdeng bû. Gava ko civat
bêdeng bû, Mîrî got:
»Gelî ridênsipiyan em niha dixwazin herin û bûkê biguhozin. Lê hûn
hemû dizanin ko em giþtik nikarin weha herin mala Hesê Dûdêyî.
Diqewime cîhê wan teng be. Nabe ko em hindek herin li mal da rûnên û
hindek jî li derva rawestin. Ya baþ ewe ko em tenê sî çil kesek herin û bûkê
siwar bikin û bînin. Hûn hemû dizanin, ma Hesê xelik nîne ku. Bîhanî
nîne, ko em herin birûþa xwe nîþanî wî bidin. Hûn çi dibêjin?«
Bi vê pirsa Mîrî ra deh panzdeh ridênsipiyan bi hev ra gotin:
»Wisa ye ezbenî.«
Bi bersiva ridênsipiyan ra Mîr Elî ji cî rabû. Bi rabûna Mîrî ra gurîn
kete komelê û hemû li ber Mîrî va rabûn þipê. Mîr derkete derva û sî çil
kesî dane dû wî û ji xîvetê derketin. Li ber derê xîvetê li hev quricîn. Jina
Mîrî ya mezin Gulav Xatûn jî bi xemil û xiþilên xwe yên taybetî va, di gel
çend berbûkên dî va hatin û tevî komelê bûn. Begzadan dane miqamê
Siwaran. Hemû tev rêketin û ber bi mala Hesê Dûdêyî çûn. Meyterekî jî
mehnegiyek bi zîn û pûsadê taybetî xemilandibû. Ew jî li mehnegê siwar
bû û du, sê seriyan bezand û paþê da dû þoþmînan. Hêþtirvanan jî heft
hêþtir bi hev ve girêdabûn û qeterek hêþtiran serast kiribûn. Hêþtirvanekî
jî serê lokê pêþîn ra girtibû, dikiþand û ber bi mala Hesêyi diçû.
Hemû tev giheþtin ber derê mala Hesê Dûdêyî. Hesê bi koma xizim û
kes û karên xwe va derkete pêþiya þoþmîn û berbûkan. Berî hemûyê Mîrî
silav lê kir û li dû Mîrî ra yên dî her kesê hindava xwe da silav li Hesêyi
kirin. Hesê silava hemûyê vegirt û berbirî duholvani çû û hindek pare ji
kîskê xwe deranî û raberî wî girt. Duholvani serê xwe jê ra xwar kir û pare
ji desti vergirt. Kewê ya jina Hesê Dûdêyî jî bi koma xwe va hate pêþiya
berbûkan û rûyê berbûkan ramûsî û paþî xoþbêjiyê ewan ber bi xîveta
Werdekê rênimûnî kir.
Hesê Dûdêyî giþtî mêvanên xwe derbasî hundurê xîvetê kir û paþê li dû
hemûyê ra kete hundur û hema wisan li ber deri rawestayî destê xwe da
sîngê xwe û serçavanî da Mîrî û mêvanan:
»Mîrê min tu bi koma xwe va li ser çavên min ra hatî«
Tenê Mîrî li bersiva Hesêyi da got:
»Zor sipas Hesê! Her bijî!«
96• BILÎCAN E-POSTE: INFO@NEFEL.COM MALPER: WWW.NEFEL.COM