Bilîcan - Nefel

7
Hefthezar û heftsed mal li bin siya Eliyê Siwaranî da ne Ew serokê êleke
giran e. Ew êl salê du caran li hilgêr û dagêrê da, li ser hev dadinên. Salê
du caran weke deriyayê lev dikeve. Pêl vedide. Gava ko êl li ser hev dadinên,
dibe dema dîtin û vedîtin û serlêdan û dîdaran. Xizm û kes û kar û
heval û hogir û dost û yar li wê demê da dikarin bi sanahî hevdu bibînin.
Nava xîvetan li wan herdu demana da weke bajarekî pir gelhe lê dihat.
Li ber hat û çû û deng û gazî û qûteqûtê, seqan xweyên xwe nas nedikirin.
Komel wisan li ser hev û ber hev ra dihat û diçû, wisan hera û hêvirze çê
dibû, ko bi gotinî hêþtir bi barê xwe va û hêþtirvan bi darê xwe va li nava
wê hera û hingamê da wenda dibûn.
Her sal li hilgêr û dagêrê da xelkê êlê li ser Mîrî mêvandarî didanîn.
Giregirên êlê her yek têdikoþî, berî yên dî li ser Mîrî û berdevk û pehlewanên
wî mêvandariyê danên. Mîr her ko da biçûya, pehlewan û berdevkên
xwe jî bi xwe ra dibir. Êla Eliyê Siwaranî li zozanan da dibû sedan
zomeyên biçûk û mezin. Lê li aranê da çend zome tevî hev dibûn û li ser
gundekî dadinîn. Gelek salan eger zivistan xweþ derbas biba û neba ba û
bager û bagera zozanan derbasî wê derê jî nebûya, hema li xêvetan da diman.
Lê hindek salan ba û bakurofê kelên ji wan dibirand û ewan diketin
xaniyan û pez û sexel û dewar û pêro û hêþtir jî, yan diketin pûtiyê, yan jî
diçûne beroj û axilan.
Li nav pehlewanên Mîrî da pehlewanak heye. Navê wî Hesê Dûdêye.
Hesê Dûdê pehlewanakî bi nav û deng e. Ew yekî çûrî çeqelî, çavhêþîn,
navmilpan, çarþan, bi zend û bend û bilindbala û bi gevde ye. Ew li ser
rêbaza kal û bavan, li ser rêbaza dapîr û bavpîran maye. Ew li ser dînê
mêjîne Kurdistanê maye. Ew Êzdî ye. Yezdanperest e. Dujminên gel û
welati pêþ da Êzdî bi pîlanên cur be cur jêk dûr xistibûn. Piþtî wê hindê
ko ewana birbirî kiribûn, ca bi zora þûr ew kiribûn bisulman. Hemîn her
kê neba bisulman jî, kuþtina wî gorekî fitaya þêx û melayan helal bû. Mela
û miftiyan her li ber xwe da, bêy wê hindê ko li Qurianê da tiþteke wisan
hatibe, ragehandibûn:
68• BILÎCAN E-POSTE: INFO@NEFEL.COM MALPER: WWW.NEFEL.COM