Bilîcan - Nefel

Silêmanî û ber bi mala Mîrî çûn. Ta ko giheþtin serperê konan.
Kon wisan li ber hev û piþt hev ra rêz û serast hatibûn vegirtinê, te digot
qey endaziyarekî kirarî, ko serê xwe li kêþana nexþeyên bajaran da sipî
kiriye, nexþa vegirtina van konan kiþandiye. Zome wekî sûk û bazaran
kolan bi kolan û þeqam bi þeqam hatibû parvekirinê. Mirovî dikarî giþtî
þeqam û kolanên wê bihejmarta. Lê hejmartina wan hemû þeqam û
kolanana jî dîsan he karê endaziyar û hejmarvanan bû.
Li rê da binasê wî jê pirsî:
»Erê bira te negot, ka tu teterê kîþk mîrî yî?«
Bi bihîstina navê teterê mîrî ra, dîwanxana bavê wî, hatina teterên mîr
û began, teterên dewletên dereke bo dîwanxana bavê wî hate bîrê û kesereke
kûr kiþand û bersiv da:
»Teterê çi bira?«
— Bibexþîne, min got qey tu teterî. Lê tu ji ko têyî û karê te li mala Mîrî
çî ye?«
— Ez ji xwe ra li rêncberiyê, li þivantiyê digerim.
Gava ko binasê wî navê rêncberiyê û þivantiyê bihîst, rawesta û zendegirtî
pirsî:
»Birastî tu li rêncberiyê digerî?«
— Erê rastî. Ezê çima derewan bikim?
— De baþ bû, ko te zûka got. Hindik mabû min tu bibiray xîveta Mîrî.
— Ma em biçûyana xîveta Mîrî, yê çi biba?
— Na birayê min. Her kes nikare here xîveta Mîrî. Tenê teterên mîr û
mîrekên kurd û mêvanên bilinpaye diçin xîveta Mîrî. Cîhê mêvanên dî
cuda ye.
Silêman li nav hiþê xwe da çû. Dîwanxana bavê wî wisan nibû. Li cem
bav û kalê wî hemû kes beranber bûn. Her kê bihata yeksere diçû
dîwanxanê û bavê wî bixwe li ber mêvanan va radibû þipê û ta ko mêvan
nerûniþtana, ew nedirûniþt. Silêman li nav van bîr û hizrana da bû, ko gihîþtin
ber derê konekî mezin; konekî reþî erebî li ser çendik û çend istûnan
hatibû vegirtinê. Silêmanî karî hundurê konî bibîne. Hundurê konî
bi perdeyên rengareng ji hev hatibûn veqetandinê. Li bintara wî konê
mezin da, konekî biçuk jî vegirtibûn. Li panavka serê girî, durust li textê
panavkê da xîveteke bi gupik û þurik dûrva bera mirovî li ser xwe da
radikiþand. Li bintara xîvetê kaniyeke kêzînkirî dihate xûyanê. Li lûlka
kaniyê ra aveke zelal hindî lûlika lûlehengekî bi guj difîþqande derva.
Pîrejineke tevgirêdayî û bi gêre û vêre derkete ber derê konê reþî mezin.
E-POSTE: INFO@NEFEL.COM MALPER: WWW.NEFEL.COM
BILÎCAN • 59