Bilîcan - Nefel

Alekokên gir û kizir. Alekokên ko çinîbû, yekoyeko danî ser kevirekî û bi
kevirekî jî lêda û qalçikên wan jê vekir. Hindek alekok hema firix ji nav
qalçikan derdiketin. Evan alekokên giheþtî bûn. Ev alekokana wekî çeqalokên
badaman kizir bûn. Þîrekî sipî wekî þîrê mîhan jê dinuqutî. Li
ber lêva xwe da got:
Alekokê pirçinê!
Berdilka dilê minê!
Min þureþur ketiye binê!
Hatime halê mirinê...
Îca bi xwendina vê helbestokê ra, li ber lêva xwe da keniya û got:
»Kurê berfê dest ji te nakiþîne. Ewê dîsan karê zemawendê bike.«
Xwe ji xwe ra dipeyivî û li rewþa xwe dikeniya û pincar vedihêra.
Piþtî xwarina pincar û alekokan li nav gul û sosin û mêrg û çîmenan ra
da rê. Li nav rengên curecure da pêþ da çû. Ta roja îro ev hemû reng weha
li ciyekî da li rex hevdu nedîtibû. Li temaþa gul û kulîlkan da cûm
bibû. Bo demekê hemû tiþt ji bîr kir. Giheþte terazinekê. Mamsosinan li
nava terazinê da ustuyên xwe li ser hevdu da xwar kiribûn û li nava terazinê
da bijiqîbûn pincarçinên navça wan hate bîrê. Dema buharê ko pincarçinên
navça wan diçûne pincari, bêy mamsosin ji çolê nedizivirîn. Keç
û bûkên pincarçin ev mamsosinan çepikçepikî girêdidan û li ber xavik û
girdêle yan jî li ber þûtikên xwe da dadiçikandin. Yan jî li ber sîng û
pêsîrên xwe ra dikirin. Bi van bîreweriyana ra dest pê kir, çend mamsosin
çinî û da ber difina xwe û pir bi dil bêhn kir. Bêhna mamsosinan ew mest
û gêj kir. Li nava gul û çîçek û giyayên levgeriyayî da lev digeriya, ko
dengê seqan ew li nav deriyaya xewin û xiyalan da deranî. Qafreþi dêla
xwe kiribû nav lingên xwe û xwe avîtibû piþt wî. Silêmanî dîna xwe dayê
çi, du, sê se bi rev, ber bi wan direyên û tên. Seqan dêla xwe dabûne ser
milên xwe û girmegirm ji binê piyên wan dihat. Silêmanî gurzê xwe ji bin
kewþê xwe derxist. Lê dengekî ko gazî seqan dikir, se li ser wan, da zivirandinê.
Seqan erd pêkol kirin û bi rewterewt ber bi xûyê dengî zivirîn.
Se li wan dûr diketin, ko dengedengê bera Silêmanî li ser xwe da rakêþa.
Silêman li ser milê xwe yê rastê da zivirî. Kulotekî bînanî dîwaran sûrmil
kiþandibû. Ber bi wî kulotî meþî, li ser wî kulotî ket. Gava ko li ser kulotî
ket, dîna xwe dayê, zomeyeke giran vaye li besta piþta kuloti da daniye û
li binê bestê da berve çûye. Hejmara istêrên esmanan heye, lê hejmara
E-POSTE: INFO@NEFEL.COM MALPER: WWW.NEFEL.COM
BILÎCAN • 57