Bilîcan - Nefel

6
Kutaya meha Adarê ye. Her tenê li serê çiyayên bilind, kevî kevî berf
maye. Berfê mêjve ye, ko xatirê xwe ji deþtê ji banî û bêlanan xwestiye.
Êdî vaye li banî û bêlanan da li cîhê berfê gul, giya, çîçek, kulîlk û pincarên
cur be cur erd himêz kirine; kulîlkan li banî û bêlanan da dîlana
buharê girtine. Silêmanî çiya hemû li piþt serê xwe ra hêlaye û daketiye
deþtê. Li dilê deþtê da girikekî dombelî hilavîtiye. Silêman ber bi wî girikî
þûlikî. Li ser giriki ket. Li bintara giriki da hindî çavan qeter dikir, deþteke
vekirî bû, ko berve diçû. Silêman daliqiyayî daliqyayî li ser giriki ra berjêr
ber bi deþtê þiqitî. Deþt bînanî mafûreke Hawþarê rengrengî diçilvilî. Çemekî
zirav li panatiya deþtê da weke marekî zîvîn çivane dibû û ta çavan
didît, li dilê deþtê da lev digeriya û li binê deþtê da li ber çavan wenda
dibû. Nermebayekî divizandê û bêhina kulîlkên buharî belawî axaran
dikir. Li ber bêhna kulîlkan mest û gêj bûye. Xwe li cîhaneke taze da
dibîne. Li cîhana gul û sosin û kulîlkên rengareng da. Li cîhana reng û
deng û saz û awazan da. Li her alî dengê qaz û quling û reþolekan, nalîna
serkesk û þalûl û bilbilan, qebeqeba kewan û gimegima kotiran, qûtîna
eluh û qîjîna qertel û nalîna dalaþan tê. Baldarên buharî refrefî bûne û li
pêsîra deþtê da, li rex avên kanî, gol, golmanc û rûbaran da lev digerin. Li
bersîngê esmanê þîne bê binî da refên sîh û qaz û qulingan lev digerin û li
nava gul û gîhayan da didanên û qolqolî dibin.
Silêman li ber deng û sedayên curbecur mest û gêj û xêv û serxweþ bûye.
Gavekî rawesta û li temaþa suruþtê da noqim bû. Vir da wê da mêze dikir.
Li ber piyên xwe nihêrî. Pincarên cur be cur li ber piyên wî lev aliyabûn.
Li damêna giriki li ser kevirekî ko bînanî kevirê bêriyê bû, rûniþt. Kûþkê
bêhna xwe veda. Tava þîrogerme buharî zeliqandibûyê. Demeke xurt li
ber tavê rûniþt. Hebana wî mêjve bû, ko vala mabû. Hebana wî mêjve bû,
ko li xwazîka hindek nanên ker û kût da dinaliya. Qurequra zikê wî bû.
Rabû ser xwe, dest pê kir, bînanî ajelan xerîkî çêrînê bû. Her çî pincarên
xwarinê ko nas dikir, li her yekê hindek çinî û xwar. Li dû ra dest avîtê,
tîrek ji tîrdanka xwe deranî û li ser çokan ket û çend alekok çinî.
56• BILÎCAN E-POSTE: INFO@NEFEL.COM MALPER: WWW.NEFEL.COM