Bilîcan - Nefel

5
Der û deþt, gelî û newal, dar û ber, gul û giya, çil û çiya, gedûk û geboz,
herd û tîþik, zang û zinaran, hemûyê rengê xwe guhestibûn. Rûçikê
hemû tiþtî li ber baranê hatibû þoþtinê.
Gul û giya li ber seqema paþî baranê pejmirîbûn. Þextê li wan dabû.
Hemûyan weke birîndaran serê xwe li ser ustuyê xwe da xwar kiribûn.
Erd bibû herî. Heriyeke çivir û zeliqok. Herî bi ling û derlingên Silêmanî
va dizeliqî. Silêman li heriyê da mabû. Carcaran herî wisan bi çarixên wî
va dizeliqî, ko nedikarî li ber giraniyê piyên xwe bavêje. Îca hînga neçar
dibû, ko xwar bibe û ji erdê darikekî, lîpekî, xîçekî hilde û pê binê çarixên
xwe paqij bike. Yan jî xwe bi berekî ra, hîtekî ra bigehîne û binê çarixên
xwe bide ser wî kevirî û çarixên xwe li ser bisû, da ko ew heriya ko bi binê
çarixên wî va zeliqiye, li ser piþta wî kevirî bimîne.
Li ber lêva xwe da got:
»Way lê çol û hol bûyê! Eve jî ji ber hat û bextê min bû, ha! Gereke
hema li van rojan da, ko ez bûme rêvîng, baran dest pê bike lo!.. Þeva
pêþîn min her der nas dikir. Min xwe bi kûlê ra gîhand û li kolka Mîrzo
Kizoyi da êwirîm. Lê þeva dî ezî belengazî nenas, ezê ko da biçûyama.
Min ko çi der nedinasî...«
Xwe ji xwe ra diaxift û pêþ da diçû.
Þeva dî dîsan bînanî þeva pêþîn baranê dest pê kiribû. Baraneke guj û giran
û libgir. Li ber gujatiya baranê we hest dikir ku, libên baranê li vêderê
ji libên barana navça wan girtirin. Li dû baranê ra sira paþnixteyê dest pê
kiribû. Silêmanî ko çi cî nas nedikir, hema li ber baranê mabû. Vî alî, wî
alî çavên xwe gerandibû. Li milê çepê dûr va çavên wî bi pilûçeberekî
ketibû. Kevirekî pilûç li nîveka deþta ripe rast da bera wî li ser xwe da
rakêþabû. Hema li ber barana guj, ber bi wî pilûçekevirî helatibû. Xwe
avîtibû ber pesêva wî kevirî. Lê pesêva wî kevirî pesêveke vekirî bû.
Silêmanî çi çare nedîtibû. Hema ta sibêdê geh li ber pesêva wî kevirê
pilûç li ber ba û baranê mabû, geh jî vî alî wî alî her li ber baranê
pêgermok gerandibû. Yan jî hema carê rexekî xwe dabû ber pesêva keviri.
40• BILÎCAN E-POSTE: INFO@NEFEL.COM MALPER: WWW.NEFEL.COM