Bilîcan - Nefel

înanan sizaya Emer Axayî helbijartiye.«
Bi hezaran dengî bi hev ra sîngê esmanî qelaþtin û ber bi hewa bilind
bû.
— Em dipejirînin.
— Me pejirandiye.
— Bijî Werdek!
— Bijî Werdeka dilþewitî!
— Bijî Werdeka pehlewan!
— Serokê dadigehê dengê xwe li ser dengê komelê xist û got:
»Em tikayê ji Werdekê dikin, ko ji bo bi cî înana biryara mirandina
Emer Axayî bê rex sêdarê.«
Bi dengê Serokê dadigehê ra Werdekê komel qelaþt û li nava gazî û
qûtîna komelê da xwe gîhande rex sêdarê. Bi hezaran çav li destê
Werdekê bûn û hêviyê bûn kanê Werdekê çi bike.
Serokê dadigehê got:
— Werdek tu hem xûþka kuþtiya yî, hem jî dayîka kuþtiyan. Tu li vê
dadigehê da ji hemû dadxwazan dilþewitîtir î. Em ji layê giþtî komelê
mafê sizadana Emer Axayî didin destên te. Niha tu dikarî li dewsa her çar
birayên xwe û kurê xwe yî bêmiraz û hezaran kesên dî ên bê sûc û bêguneh
ko bi pîlanên Emer Axayî hatine kuþtinê, yan zor û zordariyek bi
wan hatiye kirinê, sêpaya li jêr lingên Emer Axayî bikiþînî û ewî bigehînî
sizaya kiryarên wî yên nemirovanî.
Li dû destûra Serokê dadigehê ra, Werdekê avirek da Emer Axayî û
berê xwe li ser komelê da kir û weha got:
— Gelî komela hêja û giranbuha! Gelî bira û xûþkên dilþewitî! Hûn
hemû bîner û gowan in, ko koma dadigeha gel, sizaya mirandinê ji Emer
Axayî ra derînane.
Bi vê gotinê ra dengê komelê bilind bû, hemûyê bi hev ra gazî kirin:
— Mirin ji bo gelfiroþan!
— Mirin ji bo welatxoran!
— Mirin ji bo dijminê gel û welatî!
— Mirin ji bo Emer Axayê dexes û xayîn!
Werdekê dengê xwe bilind kir û got:
— Tikaye bêdeng bin! Tikaye bêdeng bin!
Komel li dû du, sê dengan ra bêdeng bû. Werdekê li dû axiftinên xwe
ra girt û got:
— Gelî komela hêja, hûn hemû gowan in, ko li dadigeha gel da sizaya
E-POSTE: INFO@NEFEL.COM MALPER: WWW.NEFEL.COM
BILÎCAN • 377