Bilîcan - Nefel

»Ay Xudêyo çende xweþkok e, tu dibêjî hema nasirokê min e.«
Nanpêja wan ji Aranê bû. Nasirok navê nebiyê wê bû. Her sal havînan
dema ko kar û bar pir dibû, Sûsê û kalemêrê wê Amû, Nasirok û zarên
xwe yên dî hemû cî da dihêlan û dihatin bajaroki û li nav mala Mîrî da
dixebitîn û payîzan jî barê rûn û penîr, keþk û jajî û elegez û sipîpincar û
lûþê û tirþoya ga û pincarên cur be cure beyanî ji xwe ra dadigirtin û pêkve
dizivirîne mala xwe. Da ko rojekê mêrê wê li þerekelanê da kete nav dest
û piyên kelên hozîbûyî da û ta ko kelevanan ew li nav dest û piyên kelan
da deranîn, li xûnê da mabû. Pîl û parxanên wî xiþibîbûn. Her çend
þikestebendên bajaroki qîr û çekem û benîþt û hingivîn kiþandin pîl û
parxanên wî, lê bêtune bû. Da ko sibêdeyekê bi hawariya Sûsê ra komel
rastî termê bêgiyane Amû hatin. Belengaza Sûsê bona kalemêrê xwe herdu
lacankên xwe ta binçenê bi çengan dirandibû. Porên serê xwe ji bona
mêrê xwe loç kiribû. Piþtî mirina Amû Sûsê êdî nezivirî Aranê. Ewê hema
serê xwe bi Tajdînê mîrav ra kire yek û bi wî ra zewicî. Tajdîn li wê demê
da ko mîravê mala Mîrî bû, serwêriya hemû rêncberên mala Mîrî jî dikir.
Piþtî hînga Sûsê êdî he li nav mala Mîrî da ma. Daku Emer axa hate ser
kari û mala wê belengazê jî he li ser yek gotina pêþiyan ji bajaroki, da
barkirinê. Sûsêya ko kurên wê çendîn caran hatibûn peyê û neçûbû, vê
carê bi destê zorê û bi neçarî, kor û poþman Tajdîn cî da hêla û li ser kurên
xwe da zivirî.
Sûsê her dem Qafreþ diwekende nebiyê xwe û digotê:
»Ay, qeda te li min keto, tu dibêjî hema Nasirokê mine. Çende ciwan
e xudêyo! Weke Nasirokê min þîrîn e.«
Gelek caran jî gava ko Sûsê xwe û Qafreþ tenê bidîta, dûrî çavên komelê
ew dida bersîngê xwe û maçê dikir. Carekî Silêman li ser da çûbû, Sûsê jê
pirsîbû:
»Heram nîne ne ?«
Silêman bersiv dabû:
»Ne, e!«
Ev e razeke mezinê siruþtê ye. Biçûkên her ajelê weha dilhebîn û
xweþkok û berdilan dibin. Têjkên piþîkan, tûlên sagan, golikên çêlekan,
berx, kar, kudikên hirç û berazan, heylo têjkên kûsel û jûjiyan jî weha
xweþik û dilrakêþ dibin. Erê eva razeke sergirtî û mezinê siruþtê ye. Siruþtê
ew ciwantî û balrakêþiya kiriye leþên van biçûk û têjikan da, da ko li saya
vê ciwantiyê da evîn û hejîkê biafirîne û li saya wê evîn û hejîkê da jî ew
biçûk û têjik û tûlana li her cure buve û hirêþên dirindane rizgar bibin.
34• BILÎCAN E-POSTE: INFO@NEFEL.COM MALPER: WWW.NEFEL.COM