Bilîcan - Nefel

— Tu nawêrî bi min ra berêkanê bikî, bêje ez nawêrim. Ca tu bo
berhaneyan digirî?
Kerrî dîna xwe dayê, ne herê, Kulik dest jê nakêþe. Bi neçarî got:
— De were em hespên xwe biezmînin. Herdu li hespan siwar bûn. Li
rê derketin. Li ser cowê ra banz dan û xwe dane ber serê þovê. Li ser benga
þovê herduyan serên hespên xwe dane ber hev û bi hev ra hajotin nava
þovê. Bû çirteçirta qurê û li ber guçkên siwaran ra derbas bû. Hesp ta fêza
kaban diketin heriyê û li heriyê da çik dibûn. Nijdî axa hiþk li binê heriya
þovê ra derdixst û li ser milê Kuliki ra davît. Lê Sosikê her bi zorê lingên
xwe li heriyê da derdixist. Lê dîsan her dûyan cot herî diqelaþtin û pêþ da
diçûn. Cotkî banz didan. Xwe davîtin, dîsan di heriyê da çik dibûn û
dîsan xwe li heriyê derdixistin û dîsan cûmî heriyê dibûn. Siwaran hesp
dane ber zengî û tajankan. Hespan kêrûþkî qewþ dikirin. Ha Sosik ha, ha
Nijdî ha. Ta nîviya þovê herdu hesp cot, li ber hev û bi hev ra diçûn. Lê ji
nîviyê ko derbas bûn, serê Nijdiyî li ber guçkên Sosikê ra bihurî. Hêdî
hêdî serê Sosikê hate ser qefesa Nijdiyî. Þerp û terp û qîrçeqîrça tajankan
û helkehelka siwaran û fîrefîra hespan bû. Tajank bûn ko li hewa ba
dibûn û li ser saxiriyên hespan da peya dibûn. Berebere dêla Nijdiyî li serê
Sosikê derbas bû. Êdî devê Sosikê nedigihîþte dêla Nijdiyî. Hêdî hêdî
nawe kete nîveka wan. Gezek du gez, sê gez, deh gez. Nijdî xwe bi wî serê
þovê, xwe bi hiþkatiyê ra gîhand. Bû fîrefîra wî. Lê Sosik li heriyê da ma.
Bû firtefirta lingên wê. Ta lingekî xwe li heriyê da dideranî, lingê wî yê dî
li heriyê da çik dibû. Kulik li Nijdiyî peya bû û ew vî alî û wî alî li dû xwe
destkêþ kir. Kerr jî waye Sosikê dide ber tajankan. Du sê gez mabûn, ko
Sosik þovê kuta bike, binzika wê hindik mabû bigihîþta ser heriya þovê.
He bi kul û halan li nava heriyê derket. Bi derketinê ra, Kuliki þûrê xwe
kiþand û rikêfî ser Sosikê kir. Kerrî lê heytand û bi zenda wî ra girtr û
gotê:
— Kuro tu dîn bûyî çawa?!
Kuliki got:
— Ev mercê meye. Bihêle ez serê wê bifirînim. Xudê ewê me li nava dijminî
da þepirze bike. Ew bi ava golegeniyan maye. Êdî ew kêrî meydana
þerî nayê. Ta ko ew me dide kuþtinê, bihêle ez serê wê lêdim û bila li ber
çavên me negere. Ezê Nijdî bideme te û ezê ji xwe ra hespekî dî peyda
bikim.
Kerr tûre bû û Kulik palda û bi zorê þûr li nava destê wî deranî.
Kuliki bînfiþk vedida û digot:
E-POSTE: INFO@NEFEL.COM MALPER: WWW.NEFEL.COM
BILÎCAN • 341