Bilîcan - Nefel

va hêlan û dîsan li wê rêya ko tê ra hatibûn, bi hevalên xwe va hev ra
dadane çepa mirinê. Li bêhnekê da serhevrazê geliyî kuta kirin û giheþtin
hevrazê Fêza çepa Cerdan. Li nêzîkiya çepê bûne du desteyan. Desteyek
çûne fêza rê û desta dî, xwe dane devê rê.
karwan giheþte çepa mirinê û li dû hev rêz bûn. Kerrî destê xwe da ber
çavên xwe û karwanî û pêroyên wan hejmart û gote Kuliki:
Sî hêþtir û sê hesp û deh mêr in. Hemû jî çekdar in.
Kuliki got:
— Bihêle bila hindekî dî jî paþiya karwanî ji çepê derkeve paþê.
Rawestan da ko ser û binê karwanî li çepa biniya zinarî derketin û berê
wan kete serhevrazê fistiqi. Kerr û Kuliki her yekê xwe dane aliyekî rê û li
pesêva kevirekî da kemîn girtin û bi hev ra li karwaniyan qûriyan:
— Lo lo li nav pêroyan derkevin!
Li nav karwaniyan dengek bilind bû:
Lo lo hûn kêne? Li serê riya me derkevin, dena ezê we kunkunî bikim.
Kerrî bersiv da:
— Kuro lawo gelekî lafan neke! Nebe hegera kuþtina xwe û hevalên
xwe. Gelî karwaniyan serê pêroyan berdin û li nav pêroyan derkevin!
— Em serê pêroyan çi carî bernadin. Li serê rêya me derkevin.
— Xudê kem, hûn bernedin, emê cergên we kunkunî bikin. Kerrî bi
vê gotina xwe ra tîrek avîte hespê pêþiyê. Bû hîrehîra hespî û þeh rabû û
da zîtikan û xwe hilavît û li erdê ket û hol bû û li ser dîwarê kendalê xendeqa
guran da jor da totolo bû û kete nava çemî û li qaseke kurt da cendekê
wî li ser avê ket.. Kerr bi tîreke dî hespê paþîn jî li ser çokan xist. Li
dû ra bû virevira pangewêran û li ser paþî û pêþiya karwanî da barî.
Karwaniyan xwe bezir kirin. Ele pele bûn. Yekê ji wan tîrek avîte Kerrî.
Tîr li ber lingê Kerrî li erdê girt. Kerrî baþ nîþan girt û tîrek li peleka wî da
çand. Bû zarezar û ofeofa wî.
Kerrî gote wan:
— Xudê kem hûn li nava pêroyan dernekevin, emê we hemûyê li xendeqa
guran da jor da hol kin.
Karwaniyan dîna xwe danê her sê aliyên wan jî hatiye girtinê. Bintara
wan jî xendeqa Gura ye. Çi rê tune ye. He rastî jî eger teslîm nebin, vaye
ewî pêþîn her bi tîran dê wan yekoyeko bihingêve. Hemîn pangewêran jî
rewþa wan pir aloz kiriye. Pêþengê karwanî ko mêrekî çil, pêncî salî bû,
gazî kir:
Kuro lawo hûn û Xudê me nekujin, ka hûn çi dixwazin em bidine we.
334• BILÎCAN E-POSTE: INFO@NEFEL.COM MALPER: WWW.NEFEL.COM