Bilîcan - Nefel

41
Koça kurên Werdekê daliqiyayî daliqiyayî li ber gola Eynulhayê ra derbas
bû. Li ser milê çepê da zivirîn. Berê wan kete çiyayên bi xilxile. Êdî
çol û çolistan li dû xwe ra hêlan e. Dar û deven tekoteko li vira û dera
hanê li ber çavan dikevin. Hindî ko ber bi wî çiyayî diçin, hind diçe, li
hejmara dar û deven û alaþan zêde û zêdetir dibe. Deven berebere bilind
û bilindtir dibin û dibin dar. Berebere li hejmara daran jî zêde û zêdetir
dibe û dar û bar hev digirin û dibin biþî û cengel.
Li nava xilxile û xîþtorên reþ ra derbas bûn û giheþtin çiyayekî asê. Rê li
qontara wî çiyayî ra, li rex çemekî ra derbas dibû. Rê nibû, korerêyeke zirav
û asê bû. Ajelek bi zorê dikarî tê ra derbas biba. Binê rê geliyekî teng
û kûr bû. Hurþêna çemekî boþ bû, ko li wî geliyî ra derbas dibû.
Eger kesek li wê rêkê ra derbas bibe, nawêre li bin xwe ra li avê û li gelî
binihêre. Pêlên avê kef li ser ketî vî alî, wî alî serên xwe li kendal û kevir û
tat û zinarên lêvara teng didin û li nav hevdu da diþkên û paþ da dizivirin.
Tu dibêjî qay li ber serhiþkî û heybeta lêvarê paþekiþê dikin. Pêlek diçe û
pêla dî cîhê wê digire û xuþîn li binê geliyî tê. Li ser serê mirovî ra jî
dîwarekî bilindî kevirîne. Dîwarek ji zinarekî yekparçe û bilind. Eger
mirov serê xwe bilin bike û rast lê binêre, kumê mirovî dê li serê mirovî
bikeve. Ji vira ra çepa cerdan dibêjin. Eger lingê mirovekî li ber biþimite,
yan pêroyek bilukume, yê durust li binê geliyî da, li nava avê da cûm bibe
û di gel pêlên har û dîne avê berjêr here û li nava kûraniya çemî da bezir
bibe. Lê dîsan jî tiþteke baþ e ko li hindek ciyan da, li binê rê da qurmedar
û qolên devenan hene. Eger ew kesê ko li wî geliyî da ketiye, mêrekî kirarî
û bi dil û gurçik be, jîr û jêhatî û zîx û çeleng be, bikaribe destên xwe
li qurma darekî va, li rîþala devenekî va bend bike û ewê li destên xwe
bialîne, ta ko hawariya hevalên wî pê ra gihîþt û werîsek, kindirek, kemendek
jor da daxstin û ew pê va helpasî û bi dest û lepan, lê bi ser û
guhên xûnavî, bi hezar û yek kul û derdî li ser ket û li devê mirinê rizgar
bû. Taze eger ew mirova mirovekî leþgiran be, qurm û rîþala dar û devenan,
dê bi destên wî va bimîne û ewê xwe li binê geliyî da, li nava
E-POSTE: INFO@NEFEL.COM MALPER: WWW.NEFEL.COM
BILÎCAN • 331