Bilîcan - Nefel

Sosikê û li ber guçkên Kerrî ra derbas bû. Lê Kerr her tiþt ji bîr kiriye. Ji
bilî girtina kara xezalê li bara çi tiþtî da nahizire. Tu dibêjî qay her li
zozanan ra bona girtina vê karê rê ketiye. Kar li gelî da serberjêr bû. Li serberjêri
da, du sê caran lukumî. Girêl bû. Lê dîsan rabû ser piyan û bezî.
Tirsa giyani hêza wê zêde û zêdetir kiribû. Giyan þirîn e. Ewê teterê mirinê
li raserî serê xwe ra didît. Dalaþê nemanê li ser giyanê wê penc vedabû.
Li dora serê wê ra ger lê dida. Diçerixî. Lê hindî hêza wê hebû, dida
lingên xwe û pêþ da diçû. Li ser kevir û li ser kendalan ra, li ser deven û
daran ra, li ser qolên qîvar û tûmên dirikan ra cotkî banz dida. Sosikê jî
hema bînanî wê. Karê ling radikir ewê lingê xwe didanî dewsa lingên wê.
Kara xezalê bi lukumîn û banz û girêlbûn giheþte binê geliyî. Dîsan berê
wê kete serhevrazekî dî. Herdukan pêkve serhevraz kuta kirin. Herdukan
jî bi tundî li sebedê didan. Fîrefîra difina Sosikê bû. Kara xezalê jî fîþefîþa
bêhnê bû, ko li pozan ra davît. Kerrî ev herdu deng jî dibihîst. Li serê hingivokê
Sosikê xwe da ber guçkên kara xezalê. Kara xezalê dîsan weke
çendik û çend caran xwe li ber ra kir û dîsan kete serberjêrî. Sosik jî dîsan
weke çendik û çend caran li ser da tewiya. Herdu weke cotek cokên avê,
ko li serberjêrekî reqî rût da biþûlikin, ber bi jêr þimitîn. Kara xezalê dîsan
lukumî. Hol bû û þiqitî binê geliyî. Li binê geliyî da, Sosikê xwe da ser
bêhna wê. Kerr jî ko gopalê zîvîn li destî da bû, gopal avîte stuyê kara
xezalê. Karê xwe lemisand û gopal li ser piþta wê ra þûlikî. Helkehelka sê
sebedên sîngan bû. Hersêkan bi hev ra li sebedê didan. Berê xezalê dîsan
kete serhevrazî. Kara xezalê li ser hevraz da dil hebû per derîna û fir bida.
Sosikê jî bîna wê per derîna bû. Kerr jî hema wisan gopal amade girtibû.
Neh deh pêngav mabû, ko kara xezalê li ser biketa ko Sosikê xwe pê ra gîhand.
Hindik mabû ko kara xezalê biketa nav dest û piyên wê. Kerrî serê
wê li ser karê wê da da û gopalê xwe avîte stuyê karê. Vê carê gopal li stuyê
karê da çik bû. Li gerdena wê da asê bû. Karê xwe gijgijand û xwest xwe
li gîra gopali derîne, lê nedikarî. Kerr li ser piþta Sosikê xwar bû û destê
xwe li piþta karê da cî kir û kar rakir danî nîveka xwe û qaþa zînî da. Dilê
karê hind tund lê dida, te digot hema ha hane ko dilê wê weke cûncikekê
li qefesa sîngê wê derkeve û bifire derva. Gurpegurpa sîngê wê bû, zimanê
xwe bihostekê ji devê xwe deranîbû. Zimanê wê hiþk û reþ bibû. Gava ko
Kerrî ew dana nîveka xwe û qaþa zîn, du hêsirên zirav li kaniya çavên wê
jor da þûlikîn û li nav pirça nerm û tiftîkiya rûmetê wê da wenda bûn.
Kerrî destên xwe li ser piþta wê gerand. Piþta wê hulo û qelew bû. Têra
wan îþev dikir. Sosikê jî hê dikire fîrefîr. Sosik li xûyê da reþ bibû. Kerr
E-POSTE: INFO@NEFEL.COM MALPER: WWW.NEFEL.COM
BILÎCAN • 313