Bilîcan - Nefel

dikirin. Sosikê car û baran lingên xwe bi tundî li erdê dida û car û baran
jî lingê xwe li binzikê xwe disût. Hêþtir jî yêx bibûn û vedikayîn.
Neimetê Îsi jî xwe dabû ber kuçikî û agir gur dikir. Te digot qay hema
li cîhanê da, Xudê ew ji bo agir gurkirinê afirandiye. Bînanî keybaniyeke
çil salî xwe dabû ber agirî û bi ser û ber qirþ û qal dida bin sêlê. Êxo bi tan
û niç gotê :
— Tu baþ fêrî agir gurkirinê bûyî ha!
Neimet soromoro bû. Qet keyfa wî bi wê yariya Êxoyi ra nehat. Xwest
ko xwe li ser va nebe, lê bi xwe nikarî û gote Êxoyi:
— Tu dizanî, tu were gur bike. Zikê te çima diêþe.
Vêca Êxo li dû gotina wî ra pê keniya û hate bal wî û ewî jî çend deven
û qurmik li binê sêlê da ediland. Li dû ra bû mize miza wî û stiranek got:
Agiro hey agiro xweþ agirê min.
Roja sir û seqemê bav û birê min.
Agiro tu agirê zerdeþtê pîr î.
Roja sir û seqemê tu destegîr î.
Agirê geþ tu yî germa û rona yî.
Roja sir û seqemê bav û bira yî.
Evdurehmanî bi çoçika darîn goþt li nava sêlê da vî alî wî alî verdigerand.
Dengê qijeqija goþtî li ser dengê stirana Êxoyi ket. hemû li dora agirî kom
bibûn. Li ber ronahiya agirê rengê hemûyan hatibû guherînê. Rengê
hemûyan sorî va dihingaft. Bi hejiyana alavên agir ra tefeþên wan reþ û
ron dibûn. Sor dibûn. Piþtî demeke xurt qelî li nava sêlê da weke xurmayi
sor bû. Evdurehmanê Terikî pîneyek da ber destê xwe û sêla qeliyê li ser
kuçikê hilanî. Li dû ra kûfanê kudikê yê hûrkirî, ko li binê beroþê da bû,
danî ser agirî û hindek xoyê lê reþand û devê wê girt. Neimetî hindek qirþ
û qalên dî danî ser agiri. Evdurehmanê Terikî jî sêla qeliyê danî nîveka
hevalan û got: Dey werin!
Hevalan milên xwe vedan û ketin ser sêla qeliyê. Jêrçenên hemûyan dihejikî.
Fiþefiþa wan bû, goþtê kudikê yê kizir dikiþandin ber arû û
pirûyan.
Hemûyan têr xwarin. Her yek li goþeyekê da veleziyan. Evdurehmanî
bi çoçikê kizikê kudikê lev da. Don li binê beroþê da bibû gol.
Evdurehmanî li dû ra milên xwe veda û dîsan sêl danî ser kuçiki û nîvê
donê beroþê berda nava sêlê û ard lê zêde kir û li hev da. Ard li nava donî
298• BILÎCAN E-POSTE: INFO@NEFEL.COM MALPER: WWW.NEFEL.COM