Bilîcan - Nefel

xwend. Emer Axayî bi nîþana pêxweþbûnê serê xwe hejand. Mîrza Qadir
jî dîsan çavek li ser û binê namê gerand û rabû ser piyan û name da destê
Emer Axayî. Emer Axayî jî li ser û binê namê nihêrî û destê xwe kire ber
þûtika xwe û tûrikekî biçûkî çermîn deranî. Helboqa derê tûrikî vekir û
mohreka zer lê deranî û da destê Mîrza Qadiri û gotê :
— Hanê mohra min jî lê de û bi ser û ber niviþtkî bipêçe.
Mîrzayî mohr û name ji destê wî vegirt û binê namê mohr kir û mohir
dîsan da destê Emer Axayî û name jî bi ser û ber niviþtkî pêça û ew jî da
destê wî.
Emer Axayî gotê zor sipas. Destên te neêþin. Lê Mîrza wekî min gote te
ha, ji devê te ra dernekeve!
— Nexêr ezbenî, ji solika xwe ra bêje!
— Kuro Hevrê! Be qawa te amade nebû?!
Hevrê sêniya qawê li ser destan hate hundurî. Pêþ da sêniya qawê li ber
Emer Axayî girt û li dû ra jî li ber Mîrza Qadirî. Mîrza Qadirî bi lez çend
fir li qawa xwe da û rabû ser piyan. Serê xwe xwar kir û destê xwe da sîngê
xwe:
— Ezbenî we çi xizmetên dî çineye?
— Na, zor sipas! Kuro Hevrê Mîrza derbas bike! Pê ra ta ber derê wan
here û bizivire were vira!
— Baþ e ezbenî!
Hevrê û Mîrza li konî derketin. Derva hewa lap tarî bibû. Li ber piyên
xwe nedidîtin. Korekor û bi pêxiþik ber bi mala Mîrzayi xiþikîn. Piþtî demeke
kurt Hevrê zivirî hundurê dîwanxanê û li ber deri rawesta û got:
Fermû ezbenî!
Emer Axayî nama niviþtkî li nav destên xwe da hevraz û berjêr dikir û
pê dilîst. Dema ko çavên wî bi Hevrêyî ket, gotê:
— Were vira! A, were li vêderê rûnê û baþ guhdariya min bike, kanê ez
ji te ra çi dibêjim. Tu dê sibê zû, hê istêrka sibêdê ser nedayî li hespê qule
siwar bibî û rê bikevî. Evê namê tu yê li ber qeta kolozê xwe da veþêrî û
ber bi beriya Þengarê bikudînî. Her ciyên ko te rê nenasî jî, tu yê ji rêvî û
rêbwaran bipirsî. Li Kurdistana jêrîn hemû Mîr Elî Siwarani dinasin. He
tu navê wî bînî, yek na, dehikê nav û nîþanên rê ji te ra bêjin. Tu yê rojê
bêxî þevê û þevê jî bêxî rojê. Divê ko tu li nava mehekî da xwe bi mala Mîr
Elî Siwarani ra bigehînî û evê namê bidî destê wî. Tu li rê da gîro bibî, ez
dizanim û tu. Wekî caran bibe rêvîngekî sivik û ber bi beriya Þengarê
bikudîne.
E-POSTE: INFO@NEFEL.COM MALPER: WWW.NEFEL.COM
BILÎCAN • 269