Bilîcan - Nefel

4
Þev li nîviyê derbas bûye. Du par çûye, parek maye. Lê hê jî xew neketiye
çavên Silêmanî da. Silêman biriyara xwe girtiye. Hêdîka ji nav nivînan
derket. Cil û bergên xwe li ber kir. Kolozê xwe da serê xwe. Þeir û riþî li
dora kulozi aland. Dolaqên xwe ko roja pêþ da amade kiribû, li bin
baligiyê xwe derêxist û li lingên xwe pêça. Çarixên xwe kire piyên xwe.
Paþê xwar bû, hema wisan li tariyê da bendçarixên xwe bi ser û ber, gircî
girêda û li dora paniyên xwe ra bir û anî û li piþt paniyên xwe da bi tew
þidand û rabû ser xwe. Li dû ra þûtika xwe li piþta xwe aland. Xencera xwe
ya tetikzîv li ber þûtika xwe ra kir. Tîr û kewanê xwe, ko darda kiribû hilanî.
Kewanê xwe avîte milê xwe yê rastê. Tîrdanka xwe, avîte ser milê
xwe yê çepê. Gurzê xwe da bin kewþê xwe. Hebana nanê xwe li piþta xwe
girêda. Hêdî û hemmet derik vekir û li deriki ra derkete derê. Li ber deriki
rawesta û li dor û berên xwe û li hewale nihêrî. Hewa ewirayî bû.
Nîveka esmani qeliþîbû. Lê ewir weke deriyayeke pirpêl li ser hev û ber
hev ra dihatin û diçûn.
Rê ket. Li ber derê hewþê piþt xwe ra nihêrî. Bi hijmekarî li der û banan
mêze kir. Destê wî ji mala kal û bavan nedibû. Lê nikarî li bin lome û
seteman da bima. Gelek caran ji devê zarokan bihîstibû:
»Ewî bêxîret, nikare tola bavê xwe jî veke. Mirovên bêxîret bêbawer û
dilreþ in. Yezdan mirovên ko bona xweþî û hisyaneweya xwe ji xûna kal û
bav û bira û kes û karên xwe, ko li rêka av û axê da hatibin gorîkirinê, derbas
bibin, nabexþîne. Her kesê ko li xûneke weha derbas bibe, xêrê bike
jî, wayê nabîne. Ewan bona xweþî û hisyaneweya xwe xûna mêrekî bînanî
Eliyê Mîrî danîn bin piyên xwe. Xûna wî mêrî pêpes kirin...«
Bi van bîr û hizrane va ji devê hewþê ra derket û li dor û berên xwe nihêrî
û li rê ket. Bi guj ber bi dervayî bajaroki lezand. Naweyeke wisan
nedabû bajaroki, ko seh kir tiþtek, yan kesek li dû ra tê. Li piþt xwe ra
mêze kir. Reþek dît. Gava ko baþ nihêrî, nasî. Qafreþ bû. Qafreþi seyê wî
yê nêçîrê, dabû dû wî. Lê zivirî û hay lê kir. Lê dilê segi yê zivirînê tunebû.
E-POSTE: INFO@NEFEL.COM MALPER: WWW.NEFEL.COM
BILÎCAN • 25