Bilîcan - Nefel

danî ber xwe. Qelem û kaxetên xwe deranî û devê qumqumkî vekir û bû
çîreçîra qelema wî li ser kaxetan geriya.
Eva çar þev û çar roj in, ko Mîrza Qadir li ser çokan rûniþtiye û
nameyan dinivîse. Ew her nama ko dinivîse, carekê dixûne. Li dû ra
mohra Emer Axayî li binê namê dide. Nameyan weke niviþtan li ser hev
da sêniçik qet dike û dide destê Emer Axayî.
Evan ji mêrxasên êla Zîlan ra hatine nivîsînê.
Evan jî bo pehlewanên êla Þadikan e.
Evan jî yên bokeberanên êla Sîpikan e...
Peyak û teterên sivik li ber derê dîwanxanê rawestan e. Emer Axa bi
xwe nameyan yek bi yek dide destên wan û wana ber bi êl û hozên ko
Mîrza Qadirî name bo wan nivîsiye, diþîne. Peyak û teter nameyên
niviþtkî li ber qetê kum û koloz û þeir û riþiyan da dadînin û her yek
dikevin rêyekê û her yek li aliyekî da diçin. Her yek berê xwe didin êl û
zome û hoz û tîre û malbat û bavikekê. Li kê derê mêrxasek heye,
kubkubeyek heye, bokeberanek heye, pehlewanek heye, Emer Axa ji wan
ra nameyan diþîne.
Di gel namenivîsîna Mîrza Qadirî ra, Emer Axa gazî Êxoyê file kir û
gotê:
»Êxo were vira!«
— Belê ezbenî!
Êxo li binêþe û bereya xwe da Ermenî bû. Ew her li zarotiya xwe da, li
nav mala Emer Axayî da mezin bibû. Êxo hem dengbêjê dîwanxana
Emer Axayî bû, hem jî hosta û bînekêþê êlê bû. Êxo çek û rext , tîr û kewan,
nêze û sûngî, þûr û xencerê êlê çê dikir. Vêca her kê bixwasta, Êxo
navê wan jî li ser tetika çeka wan dinitiland. Yan jî eger bixwastana, Êxo
biyên wan, yan jî bîneyên hezkirî û dilberên wan li ser tetika þûr, xencer
yan jî nêza wan dinitiland. Êxo bînekêþekî kirarî û hostayekî bêhevta bû.
Gava ko dilê wî bixwasta, bîneya mirovî wisan dikiþand, ko li gel mirovî
mû lê nedida. Lê wakî dilê wî ji yekî ra nexwasta, devê bîneyê xwar dikiþand.
Yan jî çavekî bîneyê þaþ dikir.
Emer Axayî fîncaneke feyfûrî, di gel telbeyeke zêr da destê Êxoyi û gotê:
»Bîneya Perîþanê li ser herduyan baþ bikiþîne!«
Êxo fîncan û telbe ji destê Emer Axayî vergirt û kelmelên xwe yên
bînekêþanê helgirt û çû li ser kaniya biniya malan li ber tavê rûniþt. Pêþ da
pê qelema xwe ya pola bîneya Perîþanê li ser telbeya zêrî nitiland. Li dû ra
torbe û tûrik û debikên rengan di gel pirçeyên cur be cur li ber xwe rêz kir
E-POSTE: INFO@NEFEL.COM MALPER: WWW.NEFEL.COM
BILÎCAN • 245