Bilîcan - Nefel

31
Hê steyr li esmanan hebû ko Neimetê Îsi li Caniya Xezalê siwar bû û berê
caniyê da zozanên Sardewaran. Yekbîn dajot û dikudand. Caniya Xezalê
li ser herd û berd û kor û kendalan ra banz dida. Dil hebû fir bida. Bînanî
bayê bezê diçû. Toz û dûman li ser rê xistibû. Toza li ber piyên wê bînanî
hêlekê li hewale, li ser sîngê asimanî ra dihate kiþandinê. Caniya xezal
caniya Emer Axayî ya taybetî bû. Emer Axa li þayî û bereviyên dîwanî da
li wê siwar dibû. Wî Caniya Xezalê ji nefsa xwe ra dida xudan kirinê.
Navê Emer Axayî li ser Caniya Xezalê bû. Sê çar meyter li ber Caniya
Xezalê bûn. Ta roja îro ji bilî Emer Axayî çi kesî piyên xwe neavîtibû ser
piþta wê. Lê îro waye, Neimetê Îs, kûsela pîs li Caniya Xezalê siwar bibû.
Kûsela pîs zêdenavê Neimetê Îsi bû. Dema ko Neimet biçûk bû, heval û
hevtemenên wî ev navnûçika lê kiribûn. Dema ko kûþkê li Neimeti
biêþiyana, digotonê; Neimetê Îs, kûsela pîs. Vêca gava ko Neimeti ev
navnûçikana dibihîst, xwe li erdê digevizand. Dil hebû zikê xwe bidiranda.
Lê zaro yek û du nebûn, komek bûn. Îca li demên weha da zaro
dibûne du desteyan deng didane hevdu. Desteyekê digotin; Neimetê Îs.
Desta dî digotin; Kûsela pîs. Li ber koma zaroyan çi ji destê Neimeti
nedihat. Tenê dikarî ji destên zaroyan xwe li erde vegevizîne. Lê dayîka
wî, Xecîc Xatûn, xûþka Emer Axayî li zaroyan derdiket. Bi hatina Xecîc
Xatûnê ra her zaroyek li aliyekî da direvîn û Neimet tenê dima. Lê êdî
Neimet ne ew Neimeta ye. Bûye þêvirdarê taybete Emer Axayî. Girtin û
berdana nîvê dîwanxanê li destê wî da ye.
Erê îro yekimîn care ko Caniya Xezal, ji bilî Emer Axayî Siwarekî dî li
ser piþta xwe dibîne. Caniyê pêþda dizgîn neda Neimeti. Lê Neimeti xwe
îþkeîþk bi qaþa zînî va girt û ew du seriyan hevraz û berjêr bezand û daxiste
terqa rê û da xaran, dakû berebere leþê caniyê germ bû û berê guhên
wê xûyî dan û hêdî hêdî êm bû.
Erê vaye Neimetê Îsi li Caniya Xezalê siwar bûye û ewê bi dilê xwe ra
dibezîne. Dide xarana. Êdî Caniy Xezalê bûye caniya wî. Li dilê xwe da
dibêje:
E-POSTE: INFO@NEFEL.COM MALPER: WWW.NEFEL.COM
BILÎCAN • 239