Bilîcan - Nefel

30
Buharan dema ko erd li gul û çîçekan da dixemile û çil û çî, deþt û banî,
mil û bêlan li kulîlkên rengareng da winda dibin, xêlat û koçer bînanî
kuliyan hêriþê didene çiyan û xîvet û kon û çadirên xwe li ser kanî û rex
cok û cobaran vedigirin. Hê xêlatan bêhna xwe venedane ko deste destedîwane
û derwêþ û begzade keþkûl û defik û neyîk û duhol û zurnayên
xwe hildidin û ber bi zomeyên xêlat û koçeran rê dikevin û ji vê zomê bo
zomeya han, ji vê êlê bo êla han digerin û dikevin rêza malan û para xwe
dixwazin.
Gava ko derwêþ û dîwane digîjin biniya malan, telbik û defikên xwe
didin ser destên xwe û ji komelê ra bi teqil li telbik û defikê didin. Piþka
zore derwêþ û dîwaneyan bi miqamê telbikê ra bi aheng beytan jî
dixûnin. Beytên wekî; beyta Hespê reþ, beyta Memo û Zînê, beyta Xecê
û Siyamendî, beyta Ferx û Sitiyê, beyta Þêxê Senianî, beyta Dimdimî,
beyta Zembîlfiroþî û bi dehan beytên dî. Hindek ji wan jî helbestên evîndariyê
ji dîwanên Melayê Cizîrî, Eliyê Herîrî, Feqiyê Teyran, Ehmedê
Xanî û Axayokê Bêdarî û Siyapoþî bi ahenga difikê dixwînin. Li nav giþtî
helbestên ko ew dixwînin, helbesta; Dil ji min bir, dil ji min. ya Melayê
Cizîrî ji hemûyê xweþtir û bi nav û bangtir e. Bi bihîstina wê helbestê ra
bi sedan genc û law û evîndar li dora dîwaneyên beytbêj berev dibin. Ca
li dû xwendina beyt û helbestan ra dîwane dikevin rêza malan û keþkûla
xwe berev dikirin.
Hê derwêþ û dîwaneyan zome û êl cî da nehêlayî, ko begzade destedeste,
siwarê hêstir û guhdirêjan dikevin nav zomeyan. Begzade pêþ da
xwe didine biniya malan. Miqamekî þad lê didin. Qîz û xort, law û ciwan
li dora wan berev dibin. Dilîzin û xwe heldavêjin. Li dû leystin û helperkê
û dîlanê ra, begzade dikevin rêza malan û mal bi mal digerian. Her mal
tiþtekê didenê. Begzade li gelek malan da jî, li malên ko li ser gotina wan
av jê germ bibe, rûdinên û ji þêniyên malê ra li neyîkê didin.
Bi vî cureyî begzade û derwêþ û dîwane zome bi zome digerin. Xelkê
keyfxweþ û demsaz dikin û bixwe jî berîk û berpiþt û tûrik û kîsik û
E-POSTE: INFO@NEFEL.COM MALPER: WWW.NEFEL.COM
BILÎCAN • 231