Bilîcan - Nefel

29
Hindî cîhan ava bûye. Hindî ko topa cîhanê ketiye ser tebera xwe û
geriyana wê rêk ketiye. Hindî ko mirov li ser rûyê vê topê peyda bûne.
Hindî ko jiyanê li ser vê topê dest pê kiriye. Mirovan bi hiþ û zanîn û
karîn û þiyan û viyana xwe gelek astengên giringe jiyana komelayetiyê ji
holê rakirine. Li dijî her cure gîrodarî û tengî û taliyên jiyanê çareyek peyda
kirine. Ji her nexoþiyekê ra avêþek, ji her kulekê ra merhemek, ji her
derdekî ra dermanek peyda kirine. Hindî ko cîhanê gera xwe rêk kiriye,
mirovan bi hiþ û têkoþîna xwe her çi xwastine kirine. Roja îro li saya wê
têkoþîn û hiþiyariyê da mirovî dikare ji balindan baþtir fir bide. Ji masiyan
çêtir somekariyê bike. Li saya wî hiþî da dikare ava ko tim û tim serberjêr
herikiye serhevraz biherikîne. Hêkekê danê rojhalatê û ya dî danê rojava
û li yek çavlêdanê da herdu hêkan bi hevra bibîne. Li vî serê cîhanê digel
wî serê cîhanê biaxive. Hîv û istêran dagîr bike. Koþk û saxtumanan li ser
istêrkan ji xwe ra ava bike. Li dilê avê da agiri derbîne. Li vî serê cîhanê
rûnê, rojnama ko li wî serê cîhanê tê diweþandinê, di gavê da heylo berî
wê hindê ko ew rojnama giheþtibe destên þêniyên wî welatî, bixûne. Lê ta
roja îro tenê çare û dermanek ji mirinê ra peyda nekirine. Ra li her tiþtî
kirine, tenê ra li mirinê nekirine. Ta roja îro gelekan temenên xwe li vê
rêkê da pûç kirne. Li dû ava jiyanê û gîhayê hermanê geriyane. Gelek
Kelgamêþan û Xizir û Îskender û Îsfendiyaran canê xwe li vê rêkê da ji
dest dane, lê bêakam û bêçine bûye. Kesî neþiyaye, pêþiya mirinê bigire.
Mirin rastiyeke tal e. Her tiþt bivê û nevê dê rojekê þerbeta mirinê tam
bike. Her tiþtê ko jiya be, dê rojekê jî bimire. Çi kesî ta roja îro neþiyaye
berayîka mirinê bigre. Gelo rojekê bê ko mirov biþê evê pîrhepokê jî devgem
bike û ji wê ra jî çare û dermanekî peyda bike? Bêgotin hiþ û karîna
mirovan bê sînor e. Dê rojekê bê ko dermanê vî derdê bêderman jî
peyda bibe.
Sereþivanê mihiyên Mîr Elî Siwaran, Mîrê Ereban, Kakilê mêrê Kinê,
ev demanekî dirêj e ketiye nav nivînan. Kuxtekuxta wî ye, dikuxe û xûn
vedireþe. Ridêna wî ya sipîçîl bîzbîzî bûye û li bin lihêfê da derketiye der-
E-POSTE: INFO@NEFEL.COM MALPER: WWW.NEFEL.COM
BILÎCAN • 225