Bilîcan - Nefel

28
Þev da, mala Werdekê dane bar kirinê. Mala Werdekê ji nav malan raqetandin.
Berdanê li nav zomê deranîn. Mala pehlewanan kirin barê çend
hêþtiran û ji nav malan rakirin û berê wan dane piþta milê. Werdekê di
gel kuran, mala xwe li ser kaniya Rihanê, li pêþberî besta þoreketa
nêçîrgehê vegirtin, konekî çar istûnî û xîveteke sipiye du kesî mil kutane
hev. Werdek pir posîde û nevehsiyayî bibû. Destên xwe li ber hev ra
kiribû, kûr diponijî. Dilê wê li ber hêrs û tûretiyê bînanî germava dermanavayê
hildikeliya. Dil hebû çek û rextên xwe tev girêbide û bi cotên
kurên xwe va hêriþî ser zoma Emer Axayî bike. Jê ra sivikatiyeke mezin
hatibû kirinê. Mala wê bi destê zorê dabûne bar kirinê. Lê gava ku, dihizirî
kurê xwe sûcdar didît. Li ser gotina pîrejinên êlê, kurê wê nanê
xelkê xwaribû, kujê sifrika wan jî jêkiribû. Lê Werdekê li bersiva wan da
digot:
Ma yê kiça xwe bidin kurekî ji kurê min çêtir!? Ez qet mûyekî leþê kurê
xwe bi sed kiçên weke Perîþanê ra naguherim. Bila hê ewan lavayan bikin
ko ez kiça wan ji kurê xwe ra bixwazim.
Werdekê ev gotinan lalî xelkê digot. Lê li dilê xwe da digot: Xudê kem,
bi þêx û þemsan herduk jî her hevkûfî hev in. Ma ne, her pêþ da jî xizminatiya
wan hebûye. Ma jina Mamê Îsi xûþka Emer Axayî nîne?! Ker kî ye?
Ma birazayê Mamê Îsi nîne? Lê çima wisan dûrî xwe lûle dikin?! Ez
dizanim Emer Axa çima tûre bûye. Xebergerînan li bal wî dijî me axiftine.
Xeber li bin kewþên xwe deranîne. Gotine Axayî Ker her þev diçe
diziya kiça te. Çima dizî ye?! Herduyan hejî hev kirine. Kebîna du evîndaran
li esmanê heftê hatiye birînê. Diviya Emer Axayî ji min ra bigota.
Yan jî hema min gereke pêþdestî li wan bikira û biþanda xazginî. Wekî
min biþanda xazginî Emer Axayî nedigot na. Lê xebergerînan kar aloz
kirin. Evîndariya wan kirin leka rûyê Emer Axayî. Êdî ketiye stuyê Emer
Axayî. Êdî kar pir dijwar bûye.
Werdekê xwe ji xwe ra ev xeberan li dilê xwe da digot û dihizirî.
Roja paþtirê malên li ser kaniya Rihanê bûne du mal. Mala dapîrê jî bi
220• BILÎCAN E-POSTE: INFO@NEFEL.COM MALPER: WWW.NEFEL.COM