Bilîcan - Nefel

Di gel van hemû derdana Îsê jî bibû dilketiyê Xecîcê. Li ser Xecîcê dilikî
bibû.
Mîr bi vê hindê hesiyabû. Ewî du, sê caran li rêka berdestik û berdevkan
jê ra peyam rêkiribû, ka kiça kê dixwaze, em jê ra biþînin xwazginî.
Lê Îsê di gel wê hindê ko li evîna Xecîcê da disot, her yek ji wan peyamnêrên
Mîrî bi gotinekê ji ser serê xwe rêç dikir. Ew hê nediwêrî ya xwe û
Xecîcê eþkere bike. Lê ji mêjve bû, ko mîr li rêka xebergerînên xwe bi evîna
wî û Xecîcê hesiyabû. Mîrî dixwest pêþdestiyê ji wî bike û navbiriyê
bide wî, berî wê hindê ko ji devê wî bixwe ra derkeve, kiçeke dî ji wî ra
bixwaze. Lê bav û kur bi ya dilên hevdu hesiyabûn. Li kutaya kutayê da
Îsê gotibû:
»Bêjin bavo, bila ji mi ra xûþka Emer axayi bixwaze.«
Gava ko mîrî navê Emeroki bi Emer axayi bihîstibû, keniyabû û
gotibû:
»Hê her tiþt li ciyê xwe da, ca bipirsin kanê ji kengê ve ra navê Emeroki
bûye Emer axa!? Kê ew paþnava daye wî? kuro herin bêjin wî kurikî,
xoþewîstê min, çavê min, jiyê min, em û Emeroki li hevdu nagirin. He ez
herim ji te ra xûþka Emeroki bixwazim jî, gel napejirîne. Ezê çi bersiva vî
gelê nîþtimanperwer bidim? Qet yekê nebêje Mîr neeferin ji te ra! Te çû
xwe kire hevalê gelfiroþ û sîxurekî dewleta dagîrkeri. Herin bêjinê, bila
qet devê xwe jî bi wan navane pîs neke. Em û ewana qet li hevdu nagirin.«
Peyamberan peyama peyamhinêri digîhandin peyamgiri. Lê ewî herdu
pî yên xwe kiribû solikeke teng da û digot, dibe Xecîce, nabe Xecîce.
Xelk pê dikeniyan û digotin, Îsê dibêje:
Bila bûk çê be, bila kiça sê be!
Lê Mîrî digot:
»Qet vê xeberê ne hildin û ne jî danên. Rast e em hemû Kurd in û birayên
hevin, lê kar û kiriyarên Emeroki ne kar û kiriyarên Kurdekî xudanþeref
û namûs e. Dexesiya gel û xiniziya welati ne karê mêran û
mirovan e. Kiriyarên Emeroki yên qilêrîn ew ji me û komela me qetandiye.
Ew ne ji me ye.Em û Emerok ne ta û tûþ û hevkûfên hevin. Eger
em Xecîcê bikin bûka xwe, gelê bêje, eva jî mîrê me. Me hemûyê çavên
hîvî û umêdan kutabû Mîrî, Mîr jî çû bû xizmê welatfiroþekî wekî
Emeroki. Ca hînga emê li ber çavên gelê xwe bikevin û buhayê me yê
bibe du polikên qelp. Herwisan ez naxwazim ber û binemaleya xwe jî
bilewitînim. Pêþiyan gotine; »Xwarza ji xalan e, kurûk ji falan e.«
Xwarzayên Emeroki jî dê wekî wî bin. Ez naxwazim li binemaleya min
20• BILÎCAN E-POSTE: INFO@NEFEL.COM MALPER: WWW.NEFEL.COM