Bilîcan - Nefel

evîndarên Îsê Mîrî. Îsê xewa gelek canik û ciwanên nazenîn herimandibû.
Bi sedan kiçên mîr û mîrekan bibûne evîndarên bejin û bal û
rabûn û rûniþtin û axiftin û ser û sukumê wî. Evîndarên wî li rêka destek
û navxoþîkeran peyam li ser peyamê ji wî ra diþandin:
— Biþîne xwazginî!
— Were min ji xwe ra birevîne!
— Xweziya min ji bûka bavê te hatî!
— Xwezî ez bûka bavê te bama!
— Xwezî ez bermaliya mala te bama!
Lê Îsê li nav wan hemû kiçên bedew û navdar da, bibû evîndarê Xecîcê.
Xecîc xûþka Emeroki bû. Emerok serokê hozeke biçûka Kurdan bû.
Xecîca xûþka wî kiçeke ne hind bi pesnan bû, û ne jî hind dizêw û nehez
bû. Kiçeke kina gurover, lê pir jîr û jêhatî û xûnþirîn bû. Kiçeke navincî
bû. Lê birayê wê Emeroki, bibû leka rûyê wê. Digotin destê wî bi dewleta
dagîrker ra heye. Digotin Emerok sîxurê dewletê ye. Bi sîxuriyê xwe
xudan dike. Digotin pêwenda wî û karbidestên dewletê germe. Binî va
hat û çûya dujmini dike. Digotin Emerok li hels û kewt û kiriyar û axiftinên
Mîrî wêjaran ji karbedestên dewletê ra diþîne. Li ber vê gotegotê,
kerbên hemûyan ji Emeroki vedibûn. Çi rêz û sengiya Emeroki li nav gel
da tunebû. Te devê kê vekira, û pirsa Emeroki jê bikira, digotin:
— Hey ewî sîxur!
— Ew binî va arîkariya dujminan dike.
— Wêjarnivîsê dewleta dagîrkere.
— Ji dujmini ra dixebite.
— Hey mala teyê, qet navê wî neyîne lo!
— Mirovên ko ji gel û welatê xwe ra dexes û xiniz bin, hêjayî pûþekê jî
nînin. Mirovên wisan tuf bikê û piþta xwe bidê.
— Ew sîxurê bê nan û xoyê? Ewê bedemek?!
— Mîrî ew ji devê dujmini deranî û kire alaka lingên xwe.
— Xudê kem miþik her çend xweliyê bikole, he davêje nav çavên xwe.
Sîxuriya wî jî he bednaviya wî ye. Ewê bi sîxuriyê çi bi Mîrî bike?
— Mirovên dexes û xiniz serê wan zêr be jî, qûna wan asinê jengoriye.
— Dexesê gel û xinizê welati, bedemeke bêbinyat e.
— Kesê ko ji gel û welatê xwe ra dexesiyê bike, nemirove.
— Qet hêjayî wê hindê nîne ko mirov li bara wî da biaxive jî.
Bi kurtî her yekê tiþtek li bara wî da, li dijî wî da radigehand. Xoþina
kesî bi wî ra nedihat.
E-POSTE: INFO@NEFEL.COM MALPER: WWW.NEFEL.COM
BILÎCAN • 19