Bilîcan - Nefel

Li dû ra hevalên Xoceyi jî yekoyeko hatin û çûn li ber nivînê Îldirimî û
ew maç kirin. Îldirim li nav nivînan da hilqedimî û li ser xwe rûniþt. Paþî
bîstekî Xoce û hevalên wî zivirîn dîwanxanê û bi destûra Emer Axayî
Îldirim jî di gel wan hat û li rex Xoce rûniþt.
Li dû ra firavîn hat. Dîsan wekî her car firavîn berdane nav curinan. Vê
carê birinc û zexmegoþt û dûvê beranan li nav curinan da bûn qûç.
Komel kiþiyane ser curnan.
Paþî xwarin û vexwarinê, Xoceyî berê xwe li ser Emer Axayî da kir û got.
»Emer Axa te barekî giran danî ser stuyê me. Niha eger destûra we
hebe, emê ji xizmeta we murexes bin.«
Emer Axayî li bersiva wî da got:
»Tikaye Xoce! Her gava dilê we bixwaze hûn dikarin herin. Lê bi min
wereng birîna Îldirimî hê baþ qenc nebûye. Nojdarên we hene, yan na?
— Erê ezbenî nojdarên me hene, lê ya rastî, nojdarên me destê Baylozi
nagirin.
— Baþe, çi nake. Ezê bêjim bila Bayloz jî heftiyê carekê bê û li birîna
Îldirimî binêre.
Xoce rabû, qesda destê Emer Axayî kir. Emer Axa yek bi bejna xwe va
li ber Xoce va rabû û nehîþt ew destên wî maçê bike. Li dû Xoceyî ra
Îldirim jî rabû û xwe avîte ser dest û piyên Emer Axayî. Lê Emer Axayî
nehîþt ew jî destên wî maçê bike. Milê Îldirimî yê rastê pêva darda bibû.
Hê baþ nikarî milê xwe rakira. Emer Axayî hemû li ciyên wan da, da
rûniþtandinê. Bi lêniqandina Emer Axayî ra Neimetê Îsi destek cilikên
nû li nav buxçikekê da anî û li ber Îldirimî danî. Xoce û hevalên wî alî hev
kirin û cilkên nû li Îldirimî kirin. li dû ra Emer Axayî gote seyîsan:
»Hespên mêvanan amade bikin!«
Li dû gotina Emer Axayî ra Xoce û hevalên wî û Îldirim ji cî rabûn.
Emer Axa û komela dîwanxanê jî bi wan ra rabûn. Xoceyi got:
»Emer Axa te barekî giran da ustuyê me. Em ta mirinê jî nikarin ji ber
vê qenciya te derkevin. Vêca bi xatirê we. Tikaye fermon, rûnên.«
Îca bi vê gotina xwe ra ber bi derê dîwanxanê çû. Emer Axa û komela
xwe jî pê ra derketin derva. Li ber derê dîwanxanê, ji hespên mêvanan
pêve, þeþ hespên dî jî bi zîn û pûsadan va amade bûn. Yek ji wan þeþ hespana
hespek bû, ko Emer Axayî ji Îldirimî ra dabû zîn kirinê. Lê pênc
hespên dî, yên kuþtiyan bûn. Bi destûra Emer Axayî cil û bergên koþtiyan
hema wisan bi xwînê va li nav buxçikan da girêdabûn û havîtibûn terkiya
hespên wan. Mêvan li hespên xwe siwar bûn û hespên kuþtiyan jî kirin
182• BILÎCAN E-POSTE: INFO@NEFEL.COM MALPER: WWW.NEFEL.COM