Bilîcan - Nefel

Lawên Werdekê lêdane pênc diz kuþtine û ev jî serekê cerdê ye, ko birîndar
kirine û dîl girtine. Bixwe jî sipas ji Xwedê ra qet difina wan jî xûn
nebû ye. Suwari di gel vê gotina xwe dîl gîhande ber derê mala Emer axayî
û ew li piþt xwe vekir û peya kir û gazî berdestkekî kir û gotê were zû
li hespê min siwar be û here pey Baylozî. Bêjê Emer axayî gotiye, bila bi
bayê bezê were. Rewþa birîndari baþ nîne. Berdestik li hespê wî siwar bû
û hesp da ber zengiyan û bi xaran ber bi mala Baylozî çû.
Perîþan jî bi koma qîz û bûk û keniz û kulfetan va li ber derê xîveta xwe
rawestaye û guçkên wê li ser hawariyê ye. Perîþan neditebitî. Diçû xîveta
xwe û derdiket û dihate bal qîz û bûkan. Bi bihîstina navê Kerrî ra, heman
ew pirûska ko du, sê salan berî niha li ber derê konî dilê wê lerizandibû,
dilê wê dîsan weke hêlikanekê hejikand. Dilê wê bi tundî lêdida.
Bêhna wê diçikiya. Nedihecimî. Ketibû ta û têlê. Gotegot ketibû nava
xelkê êlê û ev gotinan ji devên hev direvandin:
— Kerr û Kulikê Silêmanî pehlewan în.
— Mêrxas in.
— Kiçê pênc mêr kuþtine û serekê cerdê jî birîndar û dîl kirine.
— Hema bi destên vala?
— Na ha, herduk jî li çek û rextên pehlewantiyê da bûne.
— Mêrikan mala wan her li berê da mêr in.
— Bera mêran, mêr jê radibin.
— Kiçê herdûk jî li cil û bergên asinîn da bûne.
— Kiçê bi þûr û mertal û sûngî û zirêx in!
— Kiçê Xudê herdu jî pehlewan in.
— Erê, erê Yezdan kem, herdu jî pehlewan in.
— Kiçê herdu jî pehlewan in, lê yê mezin çavê Xudê lê be, ji xwe ra
pirtîkek agir e. Bizot e, bizot.
— Na Xudê herdu jî li ser hevdu ra nin.
— Yek ji yekî zêdetir nîne.
— Herdu jî ji xwe zêde ne.
— Na, na, birayê mezin destê Yezdanî li ser serî be, her pirtîka agirê
birûskê ye.
— Kiçê Xudê birûsk li ber çavên wî difire.
Hindekan qet Kerr û Kulik nas jî nedikirin û qet nedîtibûn jî, lê li ber
wê hindê ko ji xelkê paþ da nemînin, ewan jî dest pê dikirin û pesnên wan
herdu pehlewanan didan.
Guçkê Perîþanê li van gotin û pesnan bû. Evan gotin û pesnana dilê wê
172• BILÎCAN E-POSTE: INFO@NEFEL.COM MALPER: WWW.NEFEL.COM